E fundit!

21:48 Aktualitet

Tubimi i 28-të kundër qeverisë/ Protestuesit nisin marshimin në rrugët e Tiranës

Protestuesit janë larguar nga Kryeministria dhe kanë nisur...

Do të largohet nga Lazio, ja ku pritet të transferohet Hysaj

21 Dhjetor 2024, 14:45, Sport CNA

Merkato e janarit pritet të jetë vendimtare për Elseid Hysajn, i cili mund të ndryshojë ekip. Largimi i mbrojtësit shkodran nga Lazio duket çështje javësh, pasi 30-vjeçari nuk është pjesë e planeve të drejtuesve të klubit italian.

Me një kontratë të vlefshme deri në qershor të vitit 2024, situata e Hysajt ka mbetur në ngërç. Në këtë sezon, ai ka luajtur vetëm në tre ndeshje, një shenjë e qartë se nuk ka arritur të fitojë besimin e stafit teknik të trajnerit Marco Baroni. Kjo mungesë aktivizimi është kthyer në një problem për mbrojtësin, i cili kërkon të luajë rregullisht për të ruajtur formën dhe për të qenë pjesë e rëndësishme e Kombëtares shqiptare në kualifikueset e ardhshme të Kupës së Botës, që nisin në mars.

Një tjetër faktor që po shtyn Lazion drejt largimit të Hysajt është paga e tij e lartë. Mbrojtësi shqiptar përfiton rreth 3 milionë euro në sezon, një shumë që bie ndesh me politikat financiare të reja të klubit, të cilët synojnë uljen e kostove. Për këtë arsye, Lacio duket e gatshme ta shesë në janar për të shmangur humbjen e tij si lojtar i lirë në verë dhe për të përfituar financiarisht nga transferimi.

Në dijeni të situatës, menaxheri i Hysajt, Mario Xhufredi, ka nisur intensivisht punën për të gjetur një ekip të ri për klientin e tij. Një nga pistat më konkrete është transferimi i tij në kampionatin saudit. Klubet arabe kanë treguar interes për lojtarin shqiptar dhe duket se janë të vetmet që mund të mbulojnë pagën e tij të lartë, si dhe të përmbushin kërkesat financiare të Lazios.

Kalimi në Arabinë Saudite mund të jetë një zgjedhje e zgjuar për Hysajn, pasi jo vetëm që do të sigurojë një kontratë të kënaqshme ekonomikisht, por edhe më shumë minuta në fushë. Në një kampionat më pak konkurrues se Serie A, mbrojtësi do të ketë mundësinë të tregojë cilësitë e tij dhe të rikthejë vazhdimësinë që i mungon.