E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

“Përballë Kukësit dhe Tiranës dua vetëm 6 pikë”, Kolela: Ja cilët lojtarë do të mungojnë nesër

14 Dhjetor 2022, 13:37, Sport CNA

“Përballë Kukësit dhe Tiranës dua vetëm 6

Partizani do të luajë ndeshjen e radhës në Superiore përballë Kukësit, në stadiumin “Partizani”, ora 15:45, e vlefshme për javën e 14-të. Në konferencën përpara kësaj sfide, trajneri i të kuqve, Xhovani Kolela, u shpreh se skuadra e tij do të bëjë maksimumin për ta fituar këtë përballje.

Pritshmëritë që keni për këtë përballje?

Siç e kam thënë unë nuk isha pjesë e skuadrës në fillim të sezonit. Atë që nuk kisha mundësi ta bëja në fillim munda ta bëja këtë periudhë. Nga kjo ndeshje pres një vazhdimësi. Vetëm duke bërë paraqitje të mira mund të marrim dhe pikët.

Kush do të mungojë dhe si do të jetë situata?

Për sa i përket Matondos ka pasur vetëm temperaturë. Hoti ka pësuar një dëmtim në kavilje dhe nesër nuk do të jetë. Ndërkohë Da Silva po vazhdon të përgatitet, por as ai nuk do të jetë.

13 ndeshje keni shënuar 15 gola. Janë statistika të cilat i duhen një skuadre për të fituar kampionatin?

Si në Shqipëri ashtu dhe në kampionatin italian e fiton kampionatin skuadra që pëson më pak gola. Por është edhe e vërtetë që ato që pësojnë më pak mund të shënojnë dhe më pak gola. statistikat tregojnë që ne kemi pësuar shumë gola. Por nuk duhet ta interpretojmë në këtë mënyrë. Ne duhet të pësojmë më pak gola për të arritur tek objektivi madhor që kemi. Duhet të rregullojmë dhe pjesën e mënyrës tonë të lojës.

Neglizhencë e Partizanit në minutat e fundit?

Është një konstatim i saktë. Por pikërisht kjo është ajo që kërkoj nga skuadra që ta menaxhojmë sa më mirë rezultatin në këto minuta. Fakti që skuadra ime kërkon gjithmonë të luaj futboll, nuk do të të thotë që herë pas here të bëjë pis duart. Kur je në llucë është e pamundur që të dalësh i pastër. Nuk vlen vetëm për Partizanin. Vlen edhe për skuadrat e mëdha.

Kukësi, një mundësi e mirë për të shkuar me fitore në derbi?

Dua ta konsideroj si një rekord për Kukësin të cilën unë jam përballur dy herë dhe dy herë ka ndërruar trajner. Sigurisht Kukësi nuk e meriton vendin në tabelën e klasifikimit. Në letër nuk e meriton atë vend. Duke parë Kukësin në atë pozicion them që kjo skuadër ka probleme. Por e them me bindje që do të jetë një ndeshje shumë e vështirë. Ndoshta dhe ndryshimi i trajnerit mund të ndryshojë diçka në lojën e kësaj skuadre.

Goditjet që Partizani do të bëjë në janar?

Kjo gjë nuk varet vetëm nga unë, por dhe nga lojtarët që ne do të vëzhgojmë. Sigurisht për idetë që ne kemi, merkatoja ndoshta nuk na i ofron ato mundësi. Për momentin nuk e mendojmë aspak merkaton. Është një pjesë kryesore, por nuk jemi përkushtuar ende tek ajo.

Me sa pikë do të ishit i kënaqur në dy ndeshjet e radhës? Nuk do të firmosnit për 4 pikë?

Unë nuk firmos asnjëherë. Tentoj gjithmonë t’i fitoj të gjitha ndeshjet. Ky është mentaliteti që unë dua t’i përcjell skuadrës. Dua të marrim gjithmonë maksimumin e pikëve. Nëse të tjerët janë më të zotë se ne, i japim dorën dhe largohemi.