web counter
LEXO PA REKLAMA!

SHKARKO APP

App Store
Google Play

E fundit!

x

Mesi pa limite, ylli argjentinas kalon legjendat Ronaldo, Gerd Myler…

14 Dhjetor 2022, 08:19, Sport CNA

Lionel Mesit, një prej futbollistëve më të mirë që ka njohur historia e futbollit, iu desh të luante ndeshjen e 25-të në Botëror, për të thyer dhe barazuar një mori rekordesh të mbajtur nga legjenda të ndryshme të futbollit.

Fillimisht “Pleshti” ka barazuar rekordin e legjendës gjermane, Mateus për sa u përket ndeshjeve të luajtura në Botëror, plot 25, teksa pritet ta thyejë atë në finale.

Gjithashtu Mesi theu rekordin e Omar Gabriel Batistutës si golashënuesi më i mirë i Argjentinës në finalet e Kupës së Botës me 11 gola. Një rekord që nuk thyej prej 20 vitesh.

Gjithashtu Lionel Mesi është bërë lojtari i parë që shënon dhe asiston në katër ndeshje të veçanta të Kupës së Botës (që nga edicioni i vitit 1966).

"Pleshti" nuk është mjaftuar me kaq teksa është përfshirë në 20 gola në Botëror (11 realizime dhe 9 asiste), duke kaluar numrin më të mirë të golave+asiste për një lojtar që nga vitit 1966, të vendosur më parë nga Klose, Ronaldo fenomeni dhe Gerd Myler.

20 MESI (11+9)
19 Klose (16+3)
19 Ronaldo (15+4)
19 Gerd Myler (14+5)
19 Pelé (12+7)





Lajmet e fundit nga