web counter
LEXO PA REKLAMA!

SHKARKO APP

App Store
Google Play

Argjentinasit i përulen Luka Modricit

13 Dhjetor 2022, 23:36, Sport CNA

Legjenda e futbollit kroat Luka Modriç, i ka thënë lamtumirë sonte Botërorit teksa është përshëndetur me ovacione të mëdha.

Në pjesëmarrjen e tij të fundit në Kampionatin Botëror, e katërta gjithsej, Modriç ishte padyshim lideri i kombëtares ballkanase. Ai ka edhe një ndeshje për të luajtur, atë për vendin e tretë të shtunën.

Në duelin e sotëm trajneri Daliç, vendosi ta zëvendësonte në minutën e 81-të, duke i lënë vendin Majerit, djaloshit të cilin në vitin 2008, në finale Dinamo e Zagrebit – Hajduk Split, e mbante përdore, teksa futeshe në fushë.

Në momentin e zëvendësimit i gjithë stadiumi është ngritur në këmbë dhe ka duartrokitur Modriçin, e para tij janë përkulur edhe tifozët e Argjentinës.

Ish-fituesi i Topit të Artë është pritur nga argjentinasit me duartrokitje të mëdha. Lojtarët kroatë, të cilët ishin në stol, u rreshtuan për të uruar Modriç për gjithçka. Teksa largohej nga fusha, dukej qartë se ishte një moment shumë emocionues për të.

Modriç fillimisht zyrtarizoi se Botërori do të jetë paraqitja e tij e fundit në karrierë për Kroacinë, por më pas tha se do të mendojë për gjithçka kur të përfundojë Botërori në Katar. Ai mund të marrë një vendim përfundimtar së shpejti.





Lajmet e fundit nga