web counter
LEXO PA REKLAMA!

SHKARKO APP

App Store
Google Play

Partizani nis merkaton, arrihet marrëveshja me sulmuesin. Të kuqtë paguajnë 50 mijë euro

28 Prill 2023, 15:36, Sport CNA

Partizani nis merkaton, arrihet marrëveshja me sulmuesin. Të

Merkato e verës ende nuk është çelur, por Partizani është vënë menjëherë në lëvizje. "Newsport" raporton se kryeqytetasit kanë arritur marrëveshjen me Korabin. Bëhet fjalë për sulmuesin Albers Keko, i cili ka qenë në vëzhgim prej shumë kohësh.

Paraqitjet pozitive të tij kanë bindur drejtuesit e Partizanit që të shpenzojnë për shërbimet e tij. Ata kanë paguar shifrën e 50 mijë eurove për kartonin e lojtarit që do t’i bashkohet menjëherë në përfundim të sezonit. Një marrëveshje e arritur së fundmi që shton në organikën e Giovanni Colellës një sulmues cilësor si 21-vjeçari. Ai është aktivizuar 23 ndeshje në këtë sezon me Korabin, ku ka arritur të shënojë edhe 11 gola. Gjithashtu ka luajtur edhe në Kupën e Shqipërisë duke lënë gjurmë me 2 asiste.

Partizani me dibranët është një “histori e vjetër dashurie”, pasi 1 sezon e gjysmë më parë afruan Xhuliano Skukën. Sulmuesi dibran ishte prodhim 100 për qind i Korabit dhe arriti të shitej për shifrën e 1.4 milionë eurove, të paktën kjo e konfirmuar nga drejtuesit e kuq. A do të ndodhë e njëjta gjë edhe me Kekon? Koha do ta tregojë. Cilësitë janë, mosha premton.





Lajmet e fundit nga