web counter
LEXO PA REKLAMA!

SHKARKO APP

App Store
Google Play

E fundit!

x

Keidi Bare rikthehet titullar në La Liga pas 6 muajsh

27 Prill 2023, 21:38, Sport CNA

Keidi Bare rikthehet titullar në La Liga pas 6 muajsh

Keidi Bare duket se ka lënë pas plotësisht dëmtimin që e mbajti për një periudhë të gjatë jashtë fushave të blerta, teksa u rikthye titullar mbrëmjen e sotme në duelin ndaj Vijarealit, që përfundoi me rezultatin 4-2 në favor të vendasve.

Si për ironi të fatit, ndeshja e fundit që Bare ishte aktivizuar titullar në La Liga, ishte ndaj Vijarealit. Bëhet fjalë për 9 nëntorin e vitit 2022. Pas afro 6 muajsh mesfushori shqiptar u rikthye sërish titullar në kampionat dhe e bëri po ndaj Vijarealit.

Futbollisti fierak qëndroi në fushë 67 minuta, teksa më pas u zëvendësua nga Exposito, i cili në minutën e 95-të u ndëshkua me karton të kuq. Vlen të theksohet fakti se Bare ishte një nga më të mirët në repartin e mesfushës për skuadrën e tij, teksa u vlerësua me notën 6.7 nga “Flashscore”.

Për sa i përket ndeshjes së sotme, Espanjoli kaloi i pari në avantazh me Puado në minutën e 45-të, ndërkohë në pjesën e dytë u shënuan plot 5 gola.

Kapoue vendosi baraspeshën me një supergol në minutën e 53-të, ndërkohë që në Parejo përmbysi shifrat në të 63-tën.

Espanjoli barazoi përkohësisht shifrat me Joselu në të 73-tën, teksa Xhekson dhe sërish Kapoue vulosën rezultatin 4-2, në minutat 80 dhe 90+2’.





Lajmet e fundit nga