web counter
LEXO PA REKLAMA!

SHKARKO APP

App Store
Google Play

Situata kaotike te Bajerni i Mynihut/ Mateus sulmon Kahnin: Ka humbur kontrollin e klubit

27 Prill 2023, 16:19, Sport CNA

Për legjendën Lotar Mateus, kriza që ka pushtuar skuadrën e Bajernit të Mynihut këtë sezon e ka emrin Oliver Kahn. Ish-portieri gjerman është shefi i klubit bavarez, që këtë sezon ka ndërruar trajner dhe ka humbur kryesimin e Bundesligës. Jo vetëm kaq, por sherret brenda ekipit kanë pushtuar këtë skuadër, që rrezikon ta mbyllë sezonin pa trofe.

“Ka ndodhur diçka që nuk mund ta imagjinonim 3-4 muaj më parë. Është e qartë se Oliver Kahn ka humbur kontrollin e klubit. Prisja më shumë nga ai dhe nga presidenti Herbert Hainer. Pa harruar edhe blerjet që ka bërë Salihamixhiç, që kanë qenë pa vlera të mëdha”, u shpreh Mateus për “Bild”.

“Kahn ka interesa të tjera, i pëlqen të çlodhet, i pëlqen të luajë golf. Por duhet të kuptojë se ka një klub për të drejtuar dhe për të kjo është një sfidë e re, që ndoshta nuk e kupton. E ka nënvlerësuar situatën dhe të gjithë tifozët këtu në Mynih po vuajnë për skuadrën e tyre. Kahn nuk e ka idenë se çfarë po ndodh, pasi ai nuk është kurrë aty”, tha Mateus.





Lajmet e fundit nga