web counter
LEXO PA REKLAMA!

SHKARKO APP

App Store
Google Play

E ardhmja e Orges Shehit te Tirana, presidenti Halili: Nëse do le të rrijë, ne nuk largojmë njeri

27 Prill 2023, 09:27, Sport CNA

E ardhmja e Orges Shehit te Tirana, presidenti Halili: Nëse do le të

Tirana arriti dje të fitonte kundër Teutës 3-0 në kuadër të gjysmëfinales së parë të Kupës së Shqipërisë. Një sfidë totalisht e dominuar nga bardheblutë, të cilët hodhën një hap të rëndësishëm drejt finales së këtij kompeticioni.

Pas takimit ka folur për mediat edhe presidenti Refik Halili. Ndër të tjera, kreu i klubit bardheblu është ndalur tek afrimet e verës, por edhe rinovimet. Çështje e nxehtë duket se është Orges Shehi. Durrsaku ende nuk ka rinovuar dhe pritet me interes të shihet ç'do të ndodhë.

Për shtypin e shkruar, presidenti Refik Halili është shprehur: “Jemi shumë shpejt për të folur për konfirmimet dhe rinovimet. Të shpresojmë që të mbyllim njëherë me sukses këtë sezon dhe më pas të shikojmë. Shehi? E thashë edhe një herë. Kush të dojë mund të rrijë te Tirana, ne nuk përzëmë njeri”, ka deklaruar ai duke lënë gjithçka enigmë.

Pritet të shihet se ç'do të ndodhë me Shehin, i cili po bën një sezon spektakolar te bardheblutë, pavarësisht shitjeve të shumta në merkaton e dimrit.





Lajmet e fundit nga