web counter
LEXO PA REKLAMA!

SHKARKO APP

App Store
Google Play

Lojtari i kombëtares që ka qenë pjesë e Partizanit të Beogradit rrëmbehet nga një bandë e armatosur

27 Prill 2023, 21:15, Sport CNA

Lojtari i kombëtares që ka qenë pjesë e Partizanit të

Futbolli libian po përballet me një situatë kaotike.  34-vjeçari, Mohamed Zabia, një nga yjet e kombëtares, u rrëmbye së fundmi nga anëtarë të një bande të armatosur.

Sipas mediave britanike, që nga java e kaluar nuk është dëgjuar asgjë për sulmuesin, ndërsa më vonë u mësua se ai ishte rrëmbyer. Futbollisti me 25 ndeshje për kombëtaren e Libisë është rrëmbyer teksa ndodhej në Tripoli, kryeqyteti i vendit të tij të lindjes.

Në gjendje shoku janë edhe familjarët e tij, të cilët kanë deklaruar se nuk janë kontaktuar nga rrëmbyesit për të kërkuar diçka në këmbim të lirimit të të dashurit të tyre. Futbollisti do të ishte rrëmbyer lehtë, pasi prej disa muajsh ecën me paterica, pas një dëmtimi mjaft të rëndë.

Zabia e filloi karrierën e tij në 2006 në Al-Shat Tripoli. Pas një eksperience në Al-Arabi të Kuvajtit, ai përfundoi në futbollin europian, te Partizani i Beogradit.

Ai nuk arriti t’u imponohej serbëve, dhe që atëherë ai ka luajtur vetëm për skuadra nga futbolli algjerian, tunizian apo Bahrein.  Në kombëtare e Libisë, Mohamed Zabia ka shënuar 6 gola.





Lajmet e fundit nga