web counter
LEXO PA REKLAMA!

SHKARKO APP

App Store
Google Play

E fundit!

x

Pak javë nga nisja e kampionatit, presidenti jep dorëheqjen nga klubi shqiptar

30 Korrik 2023, 14:29, Sport CNA

Gjilani ndodhet në një udhëkryq para nisjes së sezonit të ri, pasi mësohet se presidenti i klubit, Florim Zuka, ka dhënë dorëheqjen.

Duke e lënë Gjilanin aktualisht pa drejtues, kur kanë mbetur vetëm pak javë para nisjes së edicionit të ri në Kosovë. Kjo nuk është hera e parë që Zuka largohet nga drejtimi i klubit. Megjithatë, nëse në të shkuarën ka bërë prapaktheu, këtë radhë është ndryshe. Pasi u ka bërë të ditur pjesëtarëve të klubit se ky është një vendim përfundimtar.

Investimet e fuqishme prej vitit 2017 dhe mungesa e trofeve, kanë ndikuar që Zuka të marrë këtë vendim. Që e vendos Gjilanin në vështirësi. Në një situatë të tillë, lojtarët pa kontratë janë larguar nga skuadra. Ndërkohë që gjasat janë që dhe një pjesë e konsiderueshme e ekipit aktual të largohet.

Gjithmonë nëse nuk do të ketë investitorë të rinj që të japin garanci për të ardhmen. Gjilani drejtohet nga Klodian Duro, ndërsa pjesë e skuadrës janë disa lojtarë me emër që kanë luajtur në Superiore në të shkuarën. Si Besar Musolli, Elton Kale apo Yll Hoxha.

Në rast se situata nuk ndryshon, lojtarët mund të jenë opsion dhe për skuadrat e Superiores. Gjilani u përball me Niedercon (Luksemburg) në raundin e parë të Conference League, por e eliminua pas barazimit në transfertë (2-2) dhe humbjes në “Fadil Vokrri” (0-2).





Lajmet e fundit nga