web counter
LEXO PA REKLAMA!

SHKARKO APP

App Store
Google Play

Operacioni “fshesa” pritet të ndodhë tek Interi, ja lojtarët me “valixhe në duar”

31 Korrik 2022, 11:03, Sport CNA

Përveç afrimeve, tashmë drejtuesit e Interit po mendojnë edhe për largimet në mënyrë që të transferojnë të tjerë lojtarë të rëndësishëm në ekip.

Kjo do të thotë se zikaltrit do t'i prekë operacioni “fshesa”, pasi disa lojtarë tashmë janë me “valixhe në duar”.

Kështu, Aleksis Sançez, edhe pse konsiderohet pranë transferimit te Marseille në Francë, ende nuk ka arritur një marrëveshje me Interin për prishjen e kontratës. Mediat italiane raportojnë për një shumë prej 5 milionë eurosh që Sançez do t’i marrë Interit për largimin nga zikaltrit.

Sakaq, ka pasur interes nga Çelsi për talentin Cesare Casadei. Londinezët kanë ofruar 8 milionë euro për ta blerë lojtarin, por Marotta e vlerëson minimumi 20 milionë euro si dhe kërkon të ketë sërish mundësinë ta riblejë talentin.

Lorenzo Pirola është larguar gjithashtu nga Interi pasi është zyrtarizuar huazimi i tij te Salernitana. Drejt largimit gjithashtu edhe Andrea Pinamonti me Atalantën që qëndron në “pole position” dhe ka ofruar 15 milionë euro për kartonin e tij.

Priten gjithashtu edhe dy largime të tjera nga Interi. Salcedo po pëlqehet nga Udinese, ndërsa Agoume pritet të transferohet te Cremonese pasi klubet kanë një marrëveshje. Megjithatë mungon përgjigjja finale e lojtarit. 





Lajmet e fundit nga