web counter
LEXO PA REKLAMA!

SHKARKO APP

App Store
Google Play

Bajerni nuk e ndjen mungesën e Levës, mposht bindshëm Lajpcigun dhe fiton Superkupën

30 Korrik 2022, 23:01, Sport CNA

Bajern Mynih ka fituar Superkupën e Gjermanisë, pasi ka mposhtur me rezultin 3-5 Lajpcigun.

“Bavarezët” u duk sikur e mbyllën finalen që në 45 minutat e para, pasi shënuan plot 3 gola.

Ndeshja u zhbllokua që në minutën e 14 me talentin Musiala, ndërsa në minutën e 31 do të ishte radha e Sadio Mane, i cili dyfishon rezultatin.

Në fundin e pjesës së parë, anësori Pavard, do të shënonte edhe golin e tretë, duke e çuar skuadrën e tij në pushim me avantazhin e trefishtë.

Pjesa e dytë nis me një Lajpcig më insistues, që arrin të ngushtojë rezultatin në minutën 60 me Halstenberg.

Vetëm gjashtë minuta më vonë, Bajerni shënon edhe golin e katërt me Serge Gnabri dhe u duk se gjithçka u mbyll.

Mirëpo nuk do të rezultonte e tillë, pasi Lajpcig provon gjithçka dhe ai del të shënojë në  të 77′ me Nkunku dhe në 89′ ndeshja do të rihapej sërish pasi Olmo shënon edhe golin e tretë.

Minutat e mbetura ishin dramatike sidomos për Bajernin që rrezikoi një ndeshje që e kishte në dorë, derisa Sane të shënonte edhe golin 5 ne minutën e 90+8.

Super ndeshja përfundoi me rezultatin 3-5, me Bajernin që ngriti lart trofeun e Superkupës.





Lajmet e fundit nga