web counter
LEXO PA REKLAMA!

SHKARKO APP

App Store
Google Play

Memelli: Skënderbeu nuk është ende gati

31 Korrik 2022, 08:53, Sport CNA
Memelli: Skënderbeu nuk është ende gati
Migen Memelli

Skënderbeu është kthyer në një “kantier”. Në klub po e marrin vërtet shtruar ndërtimin e ekipit, pasi kanë një plan. Nuk duan që të ndërtojnë një grup vetëm për Kategorinë e Parë, por edhe për pasardhësin. Ai që ka marrë përsipër që të hapë “themele” të thella te bardhekuqtë, është vetë Migen Memelli.

Trajneri po stërmundohet këto ditë, pasi i është dashur të vendosë në provë një numër të madh lojtarësh. Kur ende nuk i kanë ardhur blerjet e reja, ka nën urdhra 28 lojtarë. Sigurisht që nuk do të qëndrojnë të gjithë, por ata që bindin. E megjithatë, pogradecari nuk do të nxitohet.

Gjatë një deklarate të dhënë, tekniku bën me dije se ky është vetëm fillimi i një pune të gjatë dhe voluminoze që i pret korçarët këtë verë. “Ne jemi në ndërtim e sipër dhe ju e shihni vetë se sa lojtarë të rinj jemi duke testuar prej sa e sa ditësh. Presim edhe lojtarët ‘big’ që të bashkohen me ne, sikurse janë Elvis Prençi, Vangjel Zguro apo Xhoi Carkanji.

Ata nuk kanë ardhur ende dhe sapo të vijnë, sigurisht që do t’i shtojnë cilësinë dhe eksperiencën ekipit. Grupi do të kompletohet edhe me afrikanët, dy prej të cilëve u aktivizuan për disa minuta në miqësoren me Teutën. Do të kemi shumë lojtarë në provë.

Po kujdesem t’i shoh me vëmendje dhe t’u jap kohë. Kur të vijë momenti i duhur, të shohim se kë do të mbajmë. Sigurisht që do qëndrojnë ata që janë të vlefshëm për ne. Do të kemi edhe zhvillime të tjera në hyrje, qofshin këta të rinj dhe të afirmuar. Nuk jemi ende plotësisht të strukturuar, por pa dyshim që do të kemi lëvizje”, tha fillimisht numri një i pankinës së Skënderbeut, që paralajmëron se do të ketë ndryshime në ekipin e tij.





Lajmet e fundit nga