web counter
LEXO PA REKLAMA!

SHKARKO APP

App Store
Google Play

Një ndeshje para derbit, 4 lojtarë të Partizanit në “fije të perit”

2 Maj 2023, 14:54, Sport CNA

Partizani ndodhet në vendin e dytë në tabelën e klasifikimit me 54 pikë, 5 më pak se Tirana kryesuese. Në kuadër të javës së 32-të të "Abissnet Superiore", "demat" do të presin në “Arenën e Demave” skuadrën e Kukësit.

Kjo ndeshje është shumë e rëndësishme për të kuqtë, për dy arsye. Së pari, Colella do të kërkojë 3 pikët në shtëpi për të shpresuar në ngushtimin e diferencës me kreun dhe, së dyti, janë 4 lojtarë që rrezikojnë pjesëmarrjen në derbin me Tiranën. Ndaj verilindorëve duhet të tregojnë mjaft kujdes që të mos ndëshkohen me kartonë, pasi në të kundërt do të humbasin ndeshjen e sezonit.

Tedi Cara, Atanaskovski, Rrapaj dhe Murataj janë në kuotën e 3 kartonëve të verdhë dhe nëse ndëshkohen edhe në sfidën ndaj Kukësit, rrjedhimisht humbasin duelin me Tiranën. Colella duhet të bëjë mirë llogaritë që të mos humbasë asnjërin prej tyre, edhe pse do të duket e pamundur, pasi të 4-t lojtarët janë titullarë në formacionin e italianit.





Lajmet e fundit nga