E fundit!

21:42 Kronika

Konflikt mes vëllezërve në Kavajë/ Ndërron jetë 74-vjeçari, u godit me thikë

Një ngjarje tragjike ka ndodhur mbrëmjen e sotme në fshati...

Erling Haland po gris rekorde, por një dentist i afrohet

1 Maj 2023, 22:11, Sport CNA

Thirrjet në kor në stadium “Edi, Edi” nuk janë në “Emirates”. Dhe nuk bëhet fjalë për Edi Nketiahun e Arsenalit. Por ato vijnë nga një stadium më modest siç është “Thatcham Toën’s Stacatruc Stadium”. Dhe bëhet fjalë për klubin jo pjesë të ligës profesioniste të futbollit anglez, Uollton & Hersham.

Por publiku e tregon mbështetjen për ikonën e skuadrës së tyre, sulmuesin Edi Saimon, i cili këtë sezon në Angli ka vendosur një rekord dhe ka bërë mediat angleze të shkruajnë shumë për të, pasi shënoi 4 tripleta radhazi në kampionat dhe frymëzuar skuadrën amatore drejt një ngjitjeje të tretë radhazi.

26- vjeçari, i cili dikur ka qenë në akademinë e Brentfordit dhe ëndërronte një karrierë si profesionist, sot është një futbollist me kohë të pjesshme dhe një dentist me kohë të plotë. Por sulmuesi në fjalë është njeriu që po i bën të buzëqeshë pacientet e Uolltonit, por edhe banorët e qytetit ku ai banon. Kur ai firmosi në mes të sezonit të shkuar nuk e kishte imagjinuar që do të shndërrohej në një idhull të komunitetit.

Por rritja e tij e shpejtë e ka ndihmuar të kthehet në një personazh shumë të njohur në vend. Klubi anglez, i cili ka pronarët më të rinj në futbollin anglez, pasi drejtohet nga një grup studentësh 19-vjeçar që vitit 2019, ka një llogari në “Tik Tok” dhe një bazë tifozësh ndërkombëtar, ndërsa ndeshjet e tyre transmetohen në të gjithë botën. Uolltoni i transmeton ndeshjet edhe jashtë vendit falë platformave sociale.

“Unë jam qenë në vendin e duhur për të finalizuar disa nga rastet që djemtë kanë krijuar”, tregon versioni amator i Erling Halandit, i cili ka shënuar 43 gola në të gjitha kompeticionet këtë sezon, 7 më pak sesa norvegjezi i Mançester Sitit. Por Saimon e ka nisur sezonin me vonesë për shkak të një dëmtimi.

Në mars u shkrua shumë për të, pasi ai shënoi katër tripleta radhazi, për herë të parë që një gjë e tillë realizohej në 8 kategoritë e para të futbollit anglez. Ai shënoi edhe pesë gola në një ndeshje ndaj Merstham të hënën e Pashkës, e cila e dërgoi në 27 numrin e golave në vetëm 14 ndeshje në kampionat. “Stomatologjinë e kemi traditë në familje.

Nuk mendoj se kolegët e mi dinë shumë sesa unë investoj për futbollin. Unë u kam thënë gjithnjë se shkoj të stërvitem pas pune, por një ditë u thashë se do të vijnë të na filmojnë dhe kamerat e televizioneve dhe ishte një surprizë e madhe për ta. Tani ata më ndjekin të gjithë dhe është një emocion shumë i bukur”.