web counter
LEXO PA REKLAMA!

SHKARKO APP

App Store
Google Play

E fundit!

x

Sarri i “tërbuar” pas humbjes ndaj Interit, shpërtheu në kritika ndaj dy lojtarëve të tij në dhomat e zhveshjeve

1 Maj 2023, 19:04, Sport CNA

Humbja ndaj Interit është përjetuar shumë keq nga lojtarët dhe stafi i Lacios. Bardhekaltrit kishin sfidën në kontroll pasi ishin në avantazh dhe në rast fitoreje, do të kishin shmangur ndoshta përfundimisht një rivale për një vend në Ligën e Kampioneve.

Ndaj edhe “tërbimi” i trajnerit Mauricio Sarri pas përfundimit të sfidës ka qenë deri diku i kuptueshëm. “Il Messaggero”, media e cila është pranë klubit roman, bën të ditur se ai ka hyrë i inatosur në dhomat e zhveshjeve dhe ka shpërthyer në kritika ndaj futbollistëve të tij pas takimit, duke i vënë në pah gabimet që bënë në minutat e fundit duke lejuar që ndeshja t’u ikte nga duart.

Të njëjtat burime theksojnë se kjo ka qenë një sjellje e pazakontë e trajnerit që rrallëherë është parë kaq i inatosur me lojtarët e tij. Dy ishin emrat të cilët ai kishte piketuar dhe kritikoi më shumë publikisht para skuadrës. Milinkoviç-Saviç dhe Luis Alberto ishin ata që u përballën me furinë e trajnerit i cili e kishte cilësuar si të papranueshëm faktin që ata kishin ulur ndeshëm ritmin në pjesën e dytë e sidomos, kishin neglizhuar në detyrat e tyre mbrojtëse, duke mos ndihmuar skuadrën.





Lajmet e fundit nga