LEXO PA REKLAMA!

SHKARKO APP

E fundit!

x

Ndarja e vazove, Shqipëria rrezikon grup “ferri” në Europian

22 Nëntor 2023, 12:47, Sport CNA

Ndarja e vazove, Shqipëria rrezikon grup “ferri” në

Me ndeshjet e fundit kualifikuese që tashmë janë mbyllur, u përcaktua edhe ndarja përfundimtare e kombëtareve në vazo, për Europianin.

 Italia festoi për kualifikimin në Evropian, por ai barazim kundër Ukrainës tani i kushton shtrenjtë “azzurëve” të cilët e shohin veten në vazon e katërt, së bashku me Serbinë dhe Zvicrën. Për fat të keq nuk do të kemi më një përballje Xhaka-Shaqiri kundër Serbisë.

Romania mposhti “helvetët” në ndeshjen e fundit me rezultatin 1-0, një sukses që i vendos në vazon e dytë së bashku me Shqipërinë. Të gjithë tifozët kuqezi shpresonin që Rumania të ishte një nga rivalët e mundshëm, por tashmë janë në një vazo me Shqipërinë, në vazon e dytë, ku janë vendosur edhe përfaqësuese si Hungaria, Turqia, Danimarka dhe Austria. Republika Çeke është më fat, jo vetëm u kualifikua në frymën e fundit, por tashmë e shohin veten në vazon e tretë së bashku me Holandën, Skocinë, Kroacinë, Slloveninë dhe Sllovakinë.

Në këtë vazo, tifozët kuqezi “kryqëzojnë gishtat” të shmangin “tulipanët” dhe kroatët. Duke iu referuar renditjes aktuale të FIFA-s, shorti më i vështirë për Shqipërinë do të ishte, Francë, Holande dhe Itali. Ndërsa shorti më i mirë i mundshëm, duke iu referuar gjithnjë renditjes të FIFA-s, do të ishte Gjermani, Slloveni dhe Greqi, por goglat kanë vërtetuar se në short surprizat nuk mungojnë kurrë.

Ndarja e vazove, Shqipëria rrezikon grup “ferri” në

Lajmet e fundit nga