web counter
LEXO PA REKLAMA!

SHKARKO APP

App Store
Google Play

Argjentina mposht Brazilin mes kaosit, plas sherri në stadium. Humbje historike për "seleçaos" (VIDEO)

22 Nëntor 2023, 09:52, Sport CNA

Argjentina mposht Brazilin mes kaosit, plas sherri në stadium. Humbje

Për herë të parë, Brazili pësoi një humbje në shtëpi në fazën kualifikuese të një Botërori përballë Argjentinës, por në mitikun “Marakana” ishin tifozët ata që rrëmbyen skenën duke u përplasur në shkallët e stadiumin. Kjo situatë kaotike bëri që forcat e rendit të ndërhynin fuqishëm duke bërë që sfida të fillonte me 30 minuta vonesë, madje Messi, Martinez dhe pjesa tjetër e ekipit u detyruan të mbronin tifozët e tyre.

Në shifra, kjo ishte një sfidë mes të barabartësh, por ndryshe nga sa pritej nuk ishte një ndeshje spektakolare, 4 gjuajtje në kuadrat Brazili, 2 Argjentina. Në pjesën e parë, Messi dhe Raphinha provuan me të majtën. Rastin më të pastër e kishte Martinelli, por Romero i mohoi golin duke larguar topin në vijën fatale. Me fillimin e pjesës së dytë, Brazili mori kontrollin e lojës, por Dibu Martinez ishte i pakalueshëm. Në minutën e 63-të, Otamendi me kokë kaloi Argjentinën në avantazh, gol që në fund rezultoi një trepikësh. Brazili ishte i pafuqishëm për të shmangur këtë humbje, ndërsa mbetën dhe me 10 lojtarë.

Kjo ishte humbja e tretë radhazi për Brazilin duke u zhytur në krizë totale. Për momentin e shohin veten në vendin e 6-të, 7 pikë në 6 ndeshje tregojnë qartë krizën që ka mbërthyer 5 herë kampionët e botës. Me 15 pikë në 6 ndeshje, Argjentina qëndron në krye e ndjekur nga Uruguai me 13 pikë.

Kjo ishte një disfatë historike për pesë herë Kampionët e Botës duke qenë se për herë të parë u mposhtën në shtëpi në një ndeshje kualifikuese për Botëror.





Lajmet e fundit nga