web counter
LEXO PA REKLAMA!

SHKARKO APP

App Store
Google Play

E fundit!

x

NBA/ Fund dramatik, New York Knick fiton 6 sekonda para mbylljes

10 Dhjetor 2024, 14:35, Sport CNA

NBA/ Fund dramatik, New York Knick fiton 6 sekonda para mbylljes

New York Knicks mori një fitore dramatike në NBA, ndaj Toronto Raptors në transfertrë me rezultatin 113-108, në një ndeshje dramatike, që u vendos vetëm në sekondat e fundut

Kjo sfidë u vendos nga një trepikësh vendimtar të Towns gjashtë sekonda para fundit të lojës. Towns ishte heroi i ndeshjes për Knicks, duke shënuar 24 pikë në total, 15 kërcime dhe 6 asistime. Spikatën gjithashtu edhe Mikal Brides, i cili kontribuoi me 23 pikë dhe Brunson që shtoi 20 pikë të tjera.

Te vendasit, Barrett ishte lojtari më i mirë, me 30 pikë, por nuk mjaftoi për t’i dhënë fitoren ekipit të tij.

Në ndeshjet e tjera, Miami Heat shtangu kryesuesit e Clevland Cavaliers , të cilët i mposhti me rezultatin 122-113.

Herro shkëlqeu me 34 pikë, duke i dhënë një fitore befasuese Miamit ndaj liderëve të Konferencës së Lindjes. Për Clevland, kjo ishte humbja e katërt për këtë sezon.

Fitore të rëndësishme mori edhe Denveri, që triumfoi 141-111 ndaj Atlanta Hawks. Nikola Jokic zhvilloi një ndeshje fantastike me 48 pikë dhe 14 kërcime, duke udhëhequr Nagetts në një fitore të thellë në transfertë.

Sukses i rëndësishëm edhe për Los Angeles Lakers, që fituan me rezultatin 107-98 ndaj Portland. Në mungesë të LeBron Janes, Antoni Davis mori përgjegjësinë dhe shënoi 30 pikë e 11 kërcime.

Golden State mposhti me rezultatin 114-106 Minnesota, në një sfidë ku Curry, udhëhoqi skuadrën e tij me 30 pikë në një fitore të rëndësishme.





Lajmet e fundit nga