web counter
LEXO PA REKLAMA!

SHKARKO APP

App Store
Google Play

E fundit!

x

Murinjo diskuton të ardhmen me Romën, trajneri portugez mund të vishet… zikaltër

22 Shkurt 2023, 15:23, Sport CNA

Murinjo diskuton të ardhmen me Romën, trajneri portugez mund të

Fillimisht zërat e ndryshëm të merkatos e profilizonin si trajner të Brazilit, më pas presioni nga Portugalia për ta rikthyer në shtëpi. Akoma më pas shenjat e tensionit me Romën dhe drejtuesit e saj.

E ardhmja e Zhoze Murinjos është e ngjyrosur me mister kur kontrata e tij si trajner dihet që do të skadojë pas 15 muajsh. Të paktën teorikisht. Sepse në klubin e kryeqytetit italian atmosfera është paksa e tensionuar kur bëhet fjalë për “Special One”.

Ai vetë e ka bërë të qartë se është në pritje të një telefonate nga klubi për të folur për të ardhmen, jo vetëm nga ana teknike, por edhe nga ajo personale.

E ARDHMJA ZIKALTËR – Në horizont ka një ndarje të mundshme tashmë në fund të sezonit, përpara afatit të caktuar për në qershor 2024.

Dhe nuk është rastësi që disa “top klube” kanë ngritur antenat pasi kanë mësuar se Mou mund të largohet nga kryeqyteti. Ndoshta jo domosdoshmërisht Italia.

Sepse sipas së përditshmes “La Republicca” ekzistojnë mundësitë për një rikthim të bujshëm në Milano, gjithmonë në spondën zikaltër.

Një hipotezë disi e detyruar në këtë moment, duke qenë se Inzagi që tashmë ka fituar një trofe, është ende në garë për Kupën e Italisë dhe aksesi në çerekfinale të Champions-it do të diskutojë aktin e parë sot kundër Portos.

PISTAT E TJERA – Për këtë arsye, rrugët që të çojnë në Angli, ku Çelsi do ta dëshironte fort rikthimin e tij, duken më të realizueshme, por edhe në La Liga, ku Real Madridi mund të zëvendësojë Ançelotin, fati i të cilit ende nuk është i qartë, me një tjetër gjigant nga historia e tij e kaluar.

Dhe më pas lajmet te PSG-ja ku Galtie duket se i ka ditët e numëruara. Me pak fjalë, alternativat nuk mungojnë dhe ndoshta kjo është arsyeja pse Murinjo nxiton të marrë një përgjigje nga Roma.

 





Lajmet e fundit nga