web counter
LEXO PA REKLAMA!

SHKARKO APP

App Store
Google Play

Amir Rrahmani është lojtar i madh në fushë, por edhe jashtë saj

22 Shkurt 2023, 14:04, Sport CNA

Napoli e ka marrë fitoren e parë ndaj Eintracht Frankfurtit në "Deutsche Bank Park", në fazën e 1/8-ave të finales në Ligën e Kampionëve. Skuadra italiane ishte dukshëm më e mirë në fushë, ashtu që ka marrë notë mesatare më të lartë se ekipi nikoqir.

Qendërmbrojtësi i Kosovës, Amir Rrahmani, ka zhvilluar një tjetër ndeshje të mrekullueshme duke marrë një vlerësim solid. Notën më të lartë te Partenopei e ka marrë golashënuesi Giovanni di Lorenzo, i ndjekur nga Min-jae-Kim dhe Hirving Lozano.

Portieri i skuadrës gjermane, Kevin Trapp, është ndër më të vlerësuarit përkundër se i pranoi dy gola, duke qenë se falë tij humbja nuk ishte më e thellë.

Ndërkaq, Randal Kolo Muani, i cili u përjashtua me karton të kuq në pjesën e dytë, e ka marrë notën më të ulët në ndeshje. "SofaScore" e ka bërë vlerësimin e plotë të lojtarëve të të dyja skuadrave në ndeshjen Eintracht Frankfurt 0-2 Napoli.

Pas ndeshjes mbrëmë, kapiteni i Kombëtares së Kosovës shkoi te tifozët e Napolit dhe ia dha fanellën një mbështetësi, i cili u ndie shumë i lumtur.

 





Lajmet e fundit nga