web counter
LEXO PA REKLAMA!

SHKARKO APP

App Store
Google Play

E fundit!

x

Rei Manaj prek fundin, do të transferohet te klubi italian për ta “shpëtuar” nga kategoria

22 Shkurt 2023, 15:18, Sport CNA

Rey Manaj mbetet ende në një situatë të pazgjidhur. I larguar me marrëveshje nga Uotfordi, por që mbetet lojtar i klubit anglez, Manaj ende nuk ka gjetur një ekip.

Situata e tij komplikohet sepse sulmuesi është edhe i dëmtuar dhe ndeshjen e fundit e ka luajtur për disa minuta në dhjetor, kur sapo u kthye nga dëmtimi.

Për më tepër, nëse një klub interesohet, duhet të presë edhe rikuperimin e tij. Në mediat italiane, sipas mediave lokale “ildot.it”, Manaj është në lupën e Cosenza, ekip që ndodhet në Serinë B dhe po lufton për mbijetesë.

Diferenca me ekipet e tjera nuk është shumë e largët dhe klubi italian mund të kërkojë shërbimet e Manajt për të dhënë një ndihmë në luftën për të qëndruar. Gjithashtu nga Spanja është raportuar se nuk përjashtohet edhe një rikthim tek Albaccete në Kategorinë e Dytë spanjolle.

Ndërprerja e kontratës së Rei Manajt me Uotfordin ka një shpjegim. Sulmuesi shqiptar ka vendosur t’i japë fund momentalisht marrëdhënies me klubin anglez për shkak të një çështjeje të thjeshtë kontraktuale që përfitojnë të dyja palët.

Ai është i dëmtuar dhe largimi i tij favorizonte klubin për të nënshkruar me një zëvendësues deri në qershor, siç kanë konfirmuar të dyja palët për “MundoDeportivo”. Manaj zbarkoi tek Uotfordi duke ardhur në verë nga Barcelona, teksa vinte nga një sezon i huazuar te Specia.

Me vetëm shtatë ndeshje dhe 275 minuta ku u shënua edhe një gol, klubi dhe lojtari u ulën dhe studiuan atë që ishte më e mira për të dyja palët dhe arritën në përfundimin se kontrata do të ndërpritej.





Lajmet e fundit nga