web counter
LEXO PA REKLAMA!

SHKARKO APP

App Store
Google Play

Mori drejtimin e Shqipërisë, Silvinjo: Duhet pak durim, retë e zeza vijnë për të gjithë

12 Janar 2023, 14:47, Sport CNA

Trajneri i ri i Kombëtares shqiptare, Silvinjo, në intervistën e parë, të dhënë për “SportZone” në "MCN TV", deklaroi se nuk e shqetëson fakti që lojtarët luajnë pak, sepse janë në klube të mëdha.

Tekniku brazilian tha se duhet punuar me anën psikologjike të lojtarëve, ndërsa shtoi se dera e ekipit kombëtar do të jetë e hapur për të gjithë.

"Puna në ekipin kombëtar, është ndryshe nga ajo në klub. Kisha një rrugëtim me ekipin kombëtar të Brazilit dhe e di mirë si punohet.

Nuk më shqetëson fakti që lojtarët nuk kanë shumë minuta. Duhet të punojmë shumë me anën psikologjike të lojtarët. Aty duhet të bëjmë dioçka dhe kjo do të reflektohet në fushë. Është shumë më mirë kur një lojtar i ka minutat e plota, por nuk është një shqetësim bazik.

Lojtarët janë, por duhet të kuptojmë forcën e tyre kur luajnë në fushë. Porta është e hapur për të gjithë futbollistët e ekipit kombëtar. Do e kenë mundësinë."

Silvinjo deklaroi se duhet pak durim, duke shtuar se ai është tip i qetë, por retë e zeza vijnë për të gjithë trajnerët.

"Retë e zeza vijnë për të gjithë, jo vetëm për mua. Nuk kam marrë kurrë një karton të kuq në jetën time, jam shumë i qetë. Ndoshta 2-3 kartonë të kuq në karrierën time. Mendoj se do bëjmë rrugëtimin e qetë. Kam parë trajnerë të mëdhenj, kanë pasur disa debate nga gazetarët, por unë nuk jam ai profil.

Duhet të bëjë klasa mediatike pak durim. Kjo është më e thjeshtë për të gjithë. Është e thjeshtë, sepse ajo që dua të them, se ekipi është atje. Ndoshta rezultati nuk vjen në ndeshjen e parë, por ka lojë. Nëse nuk vjen në herën e parë, do vijë në ndeshjen e dytë. Pas një goli edhe unë festoj, nuk jam aq i qetë."





Lajmet e fundit nga