web counter
LEXO PA REKLAMA!

SHKARKO APP

App Store
Google Play

Merkato në Superiore, zbulohen dy lojtarët që ka "piketuar" Tirana

12 Janar 2023, 13:19, Sport CNA

Tirana mendon të afrojë lojtarë nga Superiorja. Qëllimi i bardhebluve është i njëjtë. Të gjejë lojtarë për krahun e djathtë të mbrojtjes. Të huaj ka Toshevskin dhe largoi Huseinin, ndërsa tani mund të afrojë lojtarë nga Superiorja.

Dy janë dëshirat e Tiranës. I pari, Ardit Iljazi, që luan me Erzenin dhe Aleksandër Trumcin e Bylisit. I pari që është mbrojtësi i djathtë i Erzenit mund të transferohet në kryeqytet pas sezonit mjaft të mirë që ka zhvilluar deri tani me shijakasit. Në fakt, menaxheri i lojtarit është i njëjti me atë të Huseinit dhe nuk është çudi që lojtarët të ndërrohen kokë më kokë. Për më tepër që marrëdhëniet e menaxherit me Tiranën janë të mira.

Iljazi është aktivizuar në 12 takime, duke luajtur në fushë 838 minuta. Aleksandër Trumci është shkodrani që gjithmonë Tirana e ka pëlqyer. Lojtari është nën kontratë me Bylisin, ndërsa ende nuk ka mbushur 23 vjeç. Për të ardhur te Tirana i duhet të mbyllë marrëveshjen me Bylisin dhe më pas të vishet bardheblu. Në këto kushte vetëm një marrëveshje mes klubeve mund të bëjë ndryshimin. Trumci këtë sezon ka qenë në fushë 14 takime, ka shënuar një gol dhe ka në këmbët e tij 1,260 minuta.





Lajmet e fundit nga