web counter
LEXO PA REKLAMA!

SHKARKO APP

“Zgjohet” Kukësi, dopiogoditje për të forcuar mbrojtjen dhe mesfushën

12 Janar 2023, 13:17, Sport CNA

Kukësi bën dy afrime të rëndësishme për mbrojtjen dhe mesfushën.

“Panorama Sport” raporton se qendërmbrojtësi shqiptar që ka luajtur gjithë kohës në Greqi, Franko Lamçe, si dhe mesfushori shkatërrues, Armend Kabashi, i cili vjen pas eksperiencave në Finlandë, kanë arritur marrëveshjen me klubin verilindor.

24-vjeçari Lamçe vjen nga skuadra greke AO Episkopi, që militon në ligën e dytë. Në të kaluarën shqiptari me origjinë nga Skrapari ka luajtur për klube si Platania, Hania etj.

Ndërsa 27-vjeçari kosovar, Kabashi, vjen nga skuadra AC Oulu në Finlandë. Ai ka luajtur edhe për klube si FC Honka, Vikingit dhe Kokolan PV. Kabashi ka qenë edhe pjesë e kombëtares U-21 të Finlandës në të kaluarën. Ai ka lindur në këtë shtet dhe Kukësi do të jetë aventura e parë me një ekip shqiptar për mesfushorin.





Lajmet e fundit nga