web counter
LEXO PA REKLAMA!

SHKARKO APP

App Store
Google Play

Messi refuzoi Barcelonën, Laporta: Kishte vetëm një arsye

3 Korrik 2023, 16:10, Sport CNA

Lionel Messi ishte shumë pranë një rikthimi të bujshëm te Barcelona në këtë verë. “Pleshti” mbylli pa shumë bujë eksperiencën në Francë me Paris Saint-Germain dhe dukej i gatshëm për të veshur edhe njëherë të fundit fanellën blaugrana. Megjithatë, në fund plani nuk u konketizua me argjentinasin që zgjodhi një transferim në Amerikë tek klubi i Inter Miami.

Një zgjedhje që habiti jo pak pasi në këtë formë Messi mbyll karrierën në skenat më të rëndësishme të futbollit, për t’iu dedikuar një “jete” më të qetë në MLS. Dhe, në fakt pikërisht qetësia dhe ndeshjet pa presion duket se ishin vendimtare në vendimin e Messit për t’u transferuar në Amerikë.

Këtë e zbulon presidenti i Barcelonës, Joan Laporta i cili bën të ditur se sulmuesi nuk kërkonte të ishte nën presion për rezultatet apo prej paraqitjeve personale dhe kështu vendosi t’i largohej “prozhektorëve”.

“Fola me Jorgen, babain e Messit dhe i bëra të ditur se ishim gati ta transferonim. Kishim gjetur edhe akordin me LaLiga-n, por ai më tha se Messi kishte kaluar një periudhë të vështirë dhe me shumë presion në Paris. Messi nuk donte më presion për një ndeshje futbolli dhe te Barcelona diçka e tillë është e pamundur. Ndaj, e kuptoj zgjedhjen e Messit për t’u transferuar në Amerikë”, u shpreh Laporta.





Lajmet e fundit nga