web counter
LEXO PA REKLAMA!

SHKARKO APP

App Store
Google Play

E fundit!

x

Partizani sërish kampion, Egnatia “shtyp” Tiranën. Mësoni vlerat e skuadrave të Superiores

3 Korrik 2023, 08:47, Sport CNA

Partizani sërish kampion, Egnatia “shtyp” Tiranën.

Superiorja është një nga kampionatet që vitet e fundit është shpenzuar shumë për afrimin e lojtarëve cilësorë që bëjnë diferencën. Kjo rrjedhimisht ka ngritur edhe vlerën e klubeve. Këtë sezon Partizani u shpall kampion, teksa Egnatia, Vllaznia dhe Tirana siguruan pjesëmarrjen në Conference League. Sigurisht që këto përkthehen në të ardhura. Partizani dhe Tirana kanë në skuadër lojtarët më të shtrenjtë. Te të kuqtë Massanga Matondo vlen 500 mijë euro, aq sa Florent Hasani i Tiranës. "Demat" vlejnë 6.25 milionë euro.

Ndërkohë nga krahu tjetër ajo që surprizon dhe mban vendin e dytë është Egnatia, që këtë vit për herë të parë siguroi pjesmarrjen në Europë dhe fitoi trofeun e Kupës së Shqipërisë. Rrogozhinasit lënë pas Tiranën pasi vlera e tyre është 5.50 milionë euro.

Bardhebluve, për shkak të largimeve që kanë bërë në merkaton e janarit, por edhe në këtë merkato, u ka rënë vlera dukshëm. Vlera e tyre është 5.43 milionë euro, teksa ndiqet nga Vllaznia me 3.55 milionë euro.

Erzeni renditet në vendin e 5-të me 2.75 milionë euro, Teuta më 2.35 milionë euro, Laçi me 2.29 milionë euro. 3 vendet e fundit mbahen nga Kukësi me 2.25 milionë euro, Dinamo me 2.24 milionë euro dhe Skënderbeu me 2.10 milionë euro.





Lajmet e fundit nga