web counter
LEXO PA REKLAMA!

SHKARKO APP

App Store
Google Play

E fundit!

x

Liçi: Jemi të dënuar, pa Europë nuk ka të ardhura. Ja objektivi i Skënderbeut

2 Korrik 2023, 18:23, Sport CNA

Tetë herë kampionët e Shqipërisë, Skënderbeu, të rikthyer këtë sezon që do nisë në elitë pas rënies në Kategorinë e Parë, kanë nisur përgatitjet për kampionatin e ri kombëtar që do nisë në gusht. Nga ekipi i sezonit të kaluar kanë mbetur 10 futbollistë, ndërsa priten edhe blerjet e reja.

“Ne jemi në një moment, që duhet ta dijë i gjithë opinioni sportiv, që jemi të dënuar. Këtë nuk po e bëj për të mbrojtur presidencën apo ata që investojnë këtu, por lekët hidhen me shumë kujdes sepse kur nuk futesh në Kupat e Europës përfitimi është zero për klubin,”-u shpreh Gentian Liçi, zv/trajner i Skënderbeut.

Por kush do të jetë objektivi i Skënderbeut për sezonin e ri në Superligë?

“Kjo s’do të thotë se ne do hyjmë për të dalë në vend të shtatë. Normalisht ne me pak shpenzime, me lojtarë të rinj, të tjerë që vijnë nga akademia Skënderbeu do mundohemi të ecim përpara. Të marrim rezultate dhe të nxjerrim futbollistë të mirë sa më shumë,”-tha Gentian Liçi, zv/trajner i Skënderbeut.

 

Pjesë e Skënderbeut në elitë do vijojë të jetë edhe kapiteni Erlis Frashëri edhe pse mbrojtësi ka mbushur 35 vjeç.

“Kam folur me presidentin direkt pas ndeshjes së fundit dhe më ka bindur që të jem pjesë e Skënderbeut edhe sezonin e ardhshëm. Plus dhe objhektivat e klubit janë që të jetë sa më lart, por edhe nga merkato ku po presim lojtarë cilësore,”-u shpreh Erlis Frashëri, futbollist i Skënderbeut.





Lajmet e fundit nga