web counter
LEXO PA REKLAMA!

SHKARKO APP

App Store
Google Play

Belica refuzon Vllazninë, por shkodranët kanë gati goditjen e madhe

3 Korrik 2023, 14:20, Sport CNA

Vllaznia gjatë kësaj merkatoje vere pati shumë largime lojtarësh, ndërsa drejtuesit po vazhdojnë me punën për të gjetur zëvendësuesit. Egzon Belica u përfol shumë për një afrim te shkodranët, pasi ish-i i Partizanit do të merrte një rol kryesor në prapavijë, por duket se janë refuzuar nga mbrojtësi që e mbylli sezonin me Prishtinën.

Mësohet se 32-vjeçari ka pasur pretendime të larta dhe për drejtuesit janë të paarritshme pavarësisht dëshirës që palët kishin për bashkëpunim. Në të tilla kushte ky operacion është i destinuar të “dështojë”.

Pavarësisht se Ardit Krymi herë pas here dukej larg dhe afër, përsëri në Shkodër flitet për të. Mesfushori duket si një dëshirë e madhe e drejtuesve për ta rikthyer në “Loro Boriçi”, të cilët duken të gatshëm të bëjnë një sforco ekonomike për të.

Sipas shtypit të shkruar, bëhet me dije se kuqeblutë janë të gatshëm të paguajnë shkëputjen e kontratës me skuadrën bjelloruse, Shakhter Soligorsk. Raportohet se mes 27-vjeçarit dhe drejtuesve është arritur në parim akordi për kontratën dhe për transferimin në Shkodër. Tani s’na mbetet gjë tjetër veçse të presim për të mësuar se si do të finalizohet ky operacion.





Lajmet e fundit nga