web counter
LEXO PA REKLAMA!

SHKARKO APP

App Store
Google Play

Megi Doçi: Koço Kokëdhima, e keqja e futbollit shqiptar. Po luajnë jashtë fushe

23 Maj 2023, 19:33, Sport CNA
Megi Doçi: Koço Kokëdhima, e keqja e futbollit shqiptar. Po
Koco Kokedhima dhe Megi Doci

Lojtarja e Vllaznisë, Megi Doçi, ka shpërthyer në akuza ndaj presidentit të Apolonisë, Koço Kokëdhima.

Pas fitimit të titullit kampion, Doçi në prononcimin për mediat, deklaroi se sa të jetë Kokëdhima, futbolli shqiptar nuk ka për të ecur përpara.

"Unë di te them se Megi Doçi e ka treguar veten si tek Vllaznia, si në ekipin kombëtar, e po ashtu edhe ne Champions League.

Prandaj nuk me intereson shumë se çfarë bëhet jashtë futbollit. Do të thoja diçka se nëse ka diçka te keqe futbolli shqiptar sot, ai është Koço Kokëdhima. Sa të jetë ai, futbolli ne vendin tone nuk ka për të ecur përpara.", deklaroi Doçi.

 

Doçi nuk u ndal me kaq, teksa pasi mësoi se nuk e kishte fituar “Këpucën e Artë”, pas 61 golave të shënuar, vazhdoi me akuzat ndaj Kokëdhimës, në profilin e saj në “Instagram”, ku shkruan se futbolli po luhet jashtë fushave të blerta.

"E kanë pësuar shumë ekipe, femra e meshkuj, nga moshat deri tek ekipi i parë, ndikimin e tij te arbitrat dhe e di që më kuptojnë, edhe pse nuk e kanë marrë guximin të flasin.

Padrejtësia, servilizmi dhe mashtrimi nuk të çon askund. Mirësia ime u mor për dobësi. Padrejtësitë bëhen sheshit dhe nuk flet askush. Keqardhje! Futbolli luhet jashtë fushës së blertë. Kjo është reklama e futbollit shqiptar.", shkruan lojtarja.

“Këpucën e Artë” e fitoi Valentina Troka e Apolonisë. Sulmuesja e skuadrës fierake e mbylli sezonin me 65 gola.

Megi Doçi: Koço Kokëdhima, e keqja e futbollit shqiptar. Po





Lajmet e fundit nga