web counter
LEXO PA REKLAMA!

SHKARKO APP

App Store
Google Play

E fundit!

x

"Mashtrimi" në CV i presidentit të UEFA-s, në Slloveni e bëjnë skandal

8 Prill 2023, 20:02, Sport CNA

Emri i Aleksandër Ceferin, në titujt kryesorë në mediet sllovene. “Prava” ka publikuar një investigim që prek presidentin aktual të UEFA-s.

Ceferin akuzohet se ka gënjyer në një pikë në CV-në e tij që, nëse dihej, do të kishte bërë të mundur zgjedhjen e tij si president i UEFA-s në vitin 2016.

Ky falsifikim i supozuar vjen pak ditë pasi ai është rizgjedhur edhe për katër vite të tjera në krye të qeverisë së futbollit evropian.

Ceferin ka shtuar në jetëshkrimin e tij se ishte anëtar i bordit të drejtorëve të Olimpija Bezigrad midis viteve 2006 dhe 2011, diçka që nuk ka qenë e vërtetë.

Një hetim që mund të komplikojë të ardhmen e tij

Në fakt, kjo ka qenë një pikë e rëndësishme për të qenë president i UEFA-s, pasi kjo përvojë nevojitet për t’u kualifikuar për pozicionin që ai mban.

Nuk ka hetime të mëtejshme në këtë drejtim, por në Slloveni ky lajm ka bërë bujë e madhe. Për momentin, Ceferin e ka të siguruar pozicionin deri në vitin 2027.

Koha do ta tregojë nëse ky informacion mund ta vërë në vështirësi mandatin e tij.





Lajmet e fundit nga