web counter
LEXO PA REKLAMA!

SHKARKO APP

App Store
Google Play

E fundit!

x

Gjashtë ndeshje para fundit, ja skuadra që rikthehet në Premier League

8 Prill 2023, 14:01, Sport CNA

Gjashtë ndeshje para fundit, ja skuadra që rikthehet në Premier

Golat e Barnes dhe Roberts i dhuruan Burnley-t fitoren në transfertë përballë Middlesbrough-t duke fituar kështu të drejtën që të rikthehet në Premier League vetëm pas një viti të kaluar në Championship.

Dy herë kampionët e Anglisë, të cilët drejtohen nga ish-mbrojtësi i City-t, Vincent Kompany, po dominojnë kampionatin me plot 19 pikë avantazh përballë ekipit të tretë të klasifikimit. Ecuria e mirë e Burnley-t vihet edhe edhe për faktin se ndryshe nga të tjerat ka dhe një ndeshje të prapambetur.

Dhe të mendosh se sezoni nuk nisi siç duhet për Burnley-n, i cili u rikthye në Championship pas plot gjashtë viteve radhazi në Prmier. Starti i sezonit ishte i vështirë për trajnerin belg, i cili ishte shumë pranë shkarkimit pasi në pesë javët e para Burnley koleksinoi vetëm një fitore. Drejtuesit e Burnley-t nuk u nxituan dhe tani të gjithë po korrin suksesin pasi Kompany në 39 ndeshje ka sulmin më të mirë të kampionatit me 76 gola dhe mbrojtjen më të mirë me vetëm 30 të pësuar. Ekipi i tij me një ndeshje më pak se rivalet numëron 11 pikë më shume se vendi I dytë dhe 19 më shumë se vendi i tretë.





Lajmet e fundit nga