web counter
LEXO PA REKLAMA!

SHKARKO APP

App Store
Google Play

E fundit!

x

Inzagi nuk ka shpjegime: E vështirë të flasësh për futboll sot. Në një vit e gjysmë nuk kam parë një gol të tillë

7 Prill 2023, 20:04, Sport CNA

Simone Inzagi, trajneri i Interit, ka qenë dukshëm i pakënaqur nga barazimi 1-1 ndaj Salernitanës që frenon përsëri zikaltrit në kampionat dhe i vështirëson shumë rrugëtimin e tyre drejt Ligës së Kampioneve. Tekniku, para mikrofonave të “DAZN”, nuk i jepte dot shpjegim situatës së krijuar dhe pse zikaltrit nuk ia dilnin të mbyllnin ndeshjet.

”Sot e kam të vështirë të flas për futboll, por kemi parë një skuadër e cila ka bërë një ndeshje të rëndësishme. Gabimi i madh ishte që nuk shënuam golin e dytë dhe tani po e paguajmë se nuk arrijmë të mbyllim ndeshjet. Por skuadra po përkushtohet në mënyrë të çmendur.

Sot e kam të vështirë të shpjegoj këtë barazim pas asaj që kemi krijuar. Ka shumë zhgënjim, por duhet të punohet më shumë. Skuadrës nuk kam çfarë i kritikoj asgjë.

Ne ndeshjen e interpretuam mirë, pastaj Lukaku goditi traversën. De Vraj kishte dy mundësi për të shënuar. Por e përsërit, për përkushtim dhe për ndeshjen që kemi bërë, nuk kam asgjë për të thënë. Dhe për golin e Kandrevës në fund mund të them vetëm se në një vit e gjysmë nuk kam parë asnjëherë një gol të tillë”, tha Inzagi i zhgënjyer pas duelit.





Lajmet e fundit nga