E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Majlinda Kelmendi rrëfen vështirësitë/ Më kanë mbyllur dyert, mora oferta milionëshe kur…

8 Prill 2023, 10:44, Sport CNA

Majlinda Kelmendi rrëfen vështirësitë/ Më kanë

Xhudistja shqiptare, Majlinda Kelmendi

Xhudistja shqiptare, Majlinda Kelmendi, ka rrëfyer vështirësitë që i është dashur të kalojë gjatë karrierës së saj në fushën e sportit.

Kelmendi tha se gjatë një kohe që ka qenë në vështirësi ekonomike ka marrë oferta milionëshe nga shtete të tjera, por ka zgjedhur të përfaqësojë Kosovën.

Ajo gjithashtu tregoi në podcast-in e kryeministrit Edi Rama se edhe pse është bërë kamione e Evropës dhe e botës, i janë mbyllur dyert e nuk i është pranuar flamuri i Kosovës.

“Ka pasur sportistë të mëdhenj që për shkak të mospërkrahjes është dashur të përfaqësojnë shtete të tjera nga rrethanat. Unë kam pasur oferta milionëshe nga shtete të tjera, kështu që gjatë ceremonisë kisha emocione të mëdha e jam ndjerë krenare me veten se kur kam marrë oferta, familja ka qenë në situatë të vështirë ekonomike dhe s’kam qenë e sigurt nëse duhet t’i refuzoja apo jo. Ishte trajneri që ka instistuar të mbetemi në Kosovë e s’do ia kisha falur vetes që medaljen olimpike të mos e sillja në Kosovë. Jam e lumtur që ëndrra ime është bërë realitet.

Gjatë një periudhe i kam pasur dyert e mbyllura në të gjitha anët. Në vitin 2013 edhe pse u bëra kampione evropiane e botërore, nuk më është lejuar që të jetë prezent flamuri i Kosovës. Më është dukur se nuk ka zgjidhje. Trajneri ka paguar thuajse gjithçka financiarisht për ne dhe shpesh ka ndodhur që kanë dashur që t’i nxjerrin probleme, por s’jemi ndalur. Për 10-12 vite kemi qenë unë e trajneri kundër botës. Pavarësisht se sa na kanë injoruar e neglizhuar, ne jemi bërë shumë të fortë, na është rritur egoja kështu që nëse sot jemi ne të treja kampione olimpike, Distria është shpallur një herë më e mira në botë, unë jam shpallur 3 herë më e mira në Evropë, 3 herë më e mira në botë, kështu që prej problemeve të mëdha nga qytete të vogla, sot është më e thjeshtë. Ka pasur edhe raste që më kanë futur në politikë pa dëshirë”, deklaroi xhudistja./ CNA.al