web counter
LEXO PA REKLAMA!

SHKARKO APP

App Store
Google Play

E fundit!

x

Pep Guardiola në pasarelat e modës, si Barcelona dhe Cruijff i “vranë” ëndrrën

8 Prill 2023, 13:59, Sport CNA

Pep Guardiola në pasarelat e modës, si Barcelona dhe Cruijff i

Jo vetëm futbollist por edhe model, jeta e ish-mesfushorit të Barcelonës, Pep Guardiola shkonte përtej lojës më popullore të planetit pasi trajneri aktual i Manchester City ka pasur edhe pasione të tjera.

Ishte viti 1993 kur lojtari i “Dream Team” të trajnuar në atë kohë nga Johann Cruijff, nënshkroi një kontratë me kompaninë e stilistit katalan Antonio Miró për një sfilatë mode dhe djali i tij David kujton se çdo veshje e Guardiolës në atë sfilatë u shit në kohë rekord.

Ai shton se në versionin model, Pep mund të kishte qenë po kaq i suksesshëm sa në futboll por kishte një pengesë, Barcelona që atë veprim nuk e përtypi në mënyrën e duhur.

Johann Cruijff u ndie i tradhëtuar nga Guardiola. Sipas trajnerit, Pep kishte vendosur përpara interesave të skuadrës egon personale. Nuk kaloi pa u ndëshkuar në atë kohë nga trajneri lojtari katalan që vendosi të ndëropriste rrugëtimin e nisur në pasarelë.

Një leksion që Guardiola e mësoi mirë sepse vite më vonë kur ai ishte trajner i Gerard Pique, i cili i kërkoi të njëjtës kompani që të bëhej imazh i tyre, por Guardiola nuk ia lejoi.





Lajmet e fundit nga