E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

LIVE FLAMURTARI-SKËNDERBEU/ Pretendim për penallti, pjesa e parë mbyllet pa gola (VIDEO)

8 Prill 2023, 14:59, Sport CNA

LIVE FLAMURTARI-SKËNDERBEU/ Pretendim për penallti, pjesa e parë

Flamurtari pret Skënderbeun në sfidën e javës së 22-të të Kategorisë së Parë, me të dyja skuadrat që kanë si objektiv Superioren.

Kuqezinjtë renditen në vendin e tretë, tre pikë larg korçarëve kryesues dhe një fitore e mundshme e tyre ditën e sotme do ta hapte akoma dhe më shumë garën.

Nga ana tjetër, korçarët kërkojnë të triumfojnë në Vlorë, në mënyrë që të shkëputen më shumë nga një rival direkt si Flamurtari.

LIVE FLAMURTARI-SKËNDERBEU 0-0

KOMENTI LIVE:

90’+2’ Igor i lë vendin në fushë Oliveiras, ndërsa Kamberaj del pas pak minutash në fushë duke i bërë vend Shkallës.

90’+1’ Pedro Augusto lëshon një gjuajtje të fortë nga distanca, topi kalon mbi traversën e portës korçare.

90’ Jepen 4 minuat shtesë.

88’ Kundërsulm i rrezikshëm i korçarëve me Liçon i cili gjuan në hyrje të zonës pro gjen devijimin e Dishës.

87’ Luhet në gjysmëfushën e korçarëve prej disa minutash me vlonjatët që duan një gol për të fituar ndeshjen dhe shtuar shanset për Superioren.

83’ Flores përfiton nga një gabim i mbrojtësve miq në krahun e majtë, por nuk ia del të pasojë për shokët e sulmit duke shpërdoruar një mundësi të mirë.

81’ Xhonatan i lë vendin Kamberajt, ndërsa Silue merr vendin e Bylykbashit te Flamurtari.

73’ Nikaj dhe Moses hyjnë në fushë në vend të Likës dhe Sumaila.

70’ Minuta të mira për vlonjatët të cilët në këtë pjesë të ndeshjes kanë zhvendosur lojën pranë zonës korçare.

65’ Erik Flores merr vendin e Fernando në radhët e Flamurtarit.

62’ Edhe Pedro Augusto ndëshkohet me karton të verdhë për një faull ndaj Ruçit.

59’ Një harkim nga e majta e sulmit gjen Rapën në zonë, gjuajtja e këtij të fundit me kokë përfundon në duart e Kukës.

57’ Pjeshka ndëshkohet me karton të verdhë pas një ndërhyje të gabuar para zonës.

56’ Temitope jep një pasim të shkëlqyer për Liçon i cili në ecje e sipër gjuan në hyrje të zonës por gabon gjithçka duke çuar topin jashtë.

52’ Fernando nga e djathta e sulmit vlonjat tenton të harkojë dy herë në zonë, por Rapa largon sferën.

46′ Nis pjesa e dytë e ndeshjes.

Mbyllet pjesa e parë.

35’ Edhe Frashëri përfundon në listën e të ndëshkuarve me karton të verdhë në këto minuta të ndezur ku nuk mungojnë ndërhyrjet e ashpra.

32’ Karton i verdhë edhe për Rapën për një faull në mesfushë.

29’ Pas një harkimi në zonë, vlonjatët protestojnë për prekje të topit me dorë. Protesta të lojtarëve vlonjatë dhe të trajnerit Longo, por gjyqtari bën shenjë që loja të vazhdojë e në fund ndëshkon Jurin me të verdhë.

25’ Pas një goditje dënimi të Liços nga e djathta, topi devijohet me kokë nga Lika por nuk ka forcë për të mposhtur Kukën.

22’ Pas zhvillimit të një goditje këndi, Sumaila ul topin për Temitop i cili gjuan por gjen përgjigjen e Kukës.

20’ Goditje këndi për korçarët, topi harkohet në zonë ku Kuka del dhe kontrollon mes lojtarëve kundërshtarë.

13’ Shumë dyluftime në mesfushë, pa prodhuar aksione të rrezikshme nga të dy skuadrat në këto minuta të para. Por Skënderbeu është ai që ka më shumë në kontroll manovrën në startin e sfidës.

7’ Harkim nga e djathta në zonë për Sumaila i cili gjuan me kokë, por nuk gjen portën me tentativën e tij.

2’ Lika shpërthen menjëherë në krahun e majtë, por gjuajtja e tij ndalet nga mbrojtja vendase.

1’ Nis dueli në Vlorë.

FORMACIONET ZYRTARE:

FLAMURTARI: Kuka, Bylykbashi, Disha, Qarri, Beqja, Juri, Pjeshka, Fernando, Igor, Xhonatan, Pedro.

Trajner: Diego Longo

SKËNDERBEU: Ruçi, Frashëri, Randi, Prençi, Idrizaj, Liço, Rapa, Moraesh, Lika, Temitope, Qeleshi.

Trajner: Ivan Gvozdenoviç