E fundit!

17:15 Aktualitet

Sondazhi/ A i mbështesni protestat e fundit kundër qeverisë?

Në kryeqytet janë zhvilluar prej disa ditësh protesta kund...

LIVE/ Partizani-Skënderbeu, starton sfida

17 Maj 2024, 19:58, Sport CNA

Ka startuar sfida e parë e "Final Four", mey Partizanit dhe Skënderbeut. Një ndeshje delikate, ku dy ekipet, duan me çdo kusht finalen e madhe.

Synimi është titulli kampion dhe për këtë arsye pritet ët jetë një sfidë e luftuar. Në “Air Albania”, Partizanit i mjafton vetëm një barazim për të kaluar më tej, ndërsa korçarët kualifikohen vetëm me fitore.

LIVE PARTIZANI-SKËNDERBEU 0-0

KOMENTI LIVE:

34’ Momente tensioni në zonë pas një faulli të Skukës ndaj portierit Alia i cili proteston te sulmuesi. Në fund është Skuka i cili ndëshkohet me të verdhë dhe pastaj janë Alia, Gërço dhe Murataj të cilët ndëshkohen gjithashtu për protesta.

33’ SKuka provon të shënoje më një goditje me “gërshërë” nga e djathta, sfera shkon larg portës.

28’ Partizani vazhdon të prodhojë raste të rrezikshme të njëpasnjëshme. Këtë herë është Atanaskoski ai që nis një top perfekt nga e majta në qendër, ku Bintsuka nuk ia del të devijojë para portës së boshatisur.

27’ Mba mundohet të hyjë në zonë me driblime, Prençi i bllokon hapësirën dhe fiton rivënien fundore.

22’ Një harkim në zonë gjen Bintsukën, gjuajtja e të cilit me kokë është shumë e lehtë dhe nuk shqetëson korçarët.

21’ Kundërsulm i rrufeshëm i të kuqve me Mba i cili e tepron me gjuajtjen nga distanca në vend të pasimit për Bintsuka, me sferën që përfundon lehtë në duart e portierit të korçarëve.

19’ Rrapaj merr topin pranë zonës kundërshtare dhe gjuan nga distanca, pa gjetur katërkëndorin e Aliajt.

15’ Goditje dënimi e Liços pranë kufijve të zonës së të kuqve, gjuajtja e tij devijohet nga muri mbrojtës.

13’ Mundësi e shkëlqyer e Partizanit për të shënuar me Rrapajn, i cili merr një pasim të shkëlqyer nga Mba dhe shfaqet para portës, por gjuan jashtë.

11’ Një harkim në zonë kthehet nga Sota drejt qendrës, Alia me vështirësi largon rrezikun para katërkëndorit të tij.

9’ Hadroj në të djathtën nis Muratajn i cili harkon në zonë, por topi kontrollohet nga Alia i vëmendshëm.

8’ Goditje dënimi e Partizanit, topi i harkuar në zonë te Skuka nuk devijohet drejt portës. Më pas aksioni bëhet i pavlefshëm për pozicion jashtë loje.

5’ Aksione të shpejta të Partizanit, që kërkon të gjejë golin që do ia afronte më shumë kualifikimin. Mbrojtja e skuadrës korçare ka vështirësi të ndalë tre sulmuesit e hedhur në fushë nga Shehi.

2’ Rast i menjëhershëm i të kuqve që nisen me Skukën nga e majta, pasimi i tij në qendër gjen Mba por gjuajtja e sulmuesit devijohet mbi traversë nga Alia.

Starton sfida!