E fundit!

21:28 Politikë

"Gonen e paskan përzënë dhe nga protesta, Tiku sjell tezen"/ Balla ironizon Shehajn dhe Lapajn

Kreu i Grupit Parlamentar të Partisë Socialiste, Taulant B...

Armand Duka në kongresin e FIFA-s, zbulohen vendimet e marra

17 Maj 2024, 14:20, Sport CNA

Kongresi i 74-t i FIFA-s zhvilloi ditën e sotme punimet në Bangkok, Tajlandë, dhe në të morën pjesë drejtuesit e federatave nga e gjithë bota.

Në këtë kongres morën pjesë Presidenti i FSHF-së, Armand Duka, Zv.Presidenti i FSHF, Arben Dervishaj dhe Sekretari i Përgjithshëm, Ilir Shulku.

Kongresi u drejtua nga Presidenti i FIFA-s, Gianni Infantino, i cili mbajti edhe një fjalë hapëse e më pas u kalua në rendin e ditës së mbledhjes. Presidenti Infantino theksoi në fjalën e tij se misioni i FIFA-s është që të rrisë futbollin globalisht ndërsa propozoi edhe organizimin e një festivali futbolli për moshat nën 15 vjeç nga të gjitha federatat anëtare.

Ndër të tjera, kreu i qeverisë së futbollit botëror tha se futbolli bashkon njerëz dhe e vetmja gjë që ka rëndësi në këtë lojë është ngjyra e fanellës që lojtarët veshin në klubet e tyre apo ekipet kombëtare.

Anëtarët e FIFA-s diskutuan raportin financiar të vitit të kaluar, buxhetin për vitin e ardhshëm apo edhe ratifikimin e vendimeve të marra nga Këshilli i FIFA-s.

Gjithashtu, në këtë kongres të FIFA-s u vendos që Brazili do të jetë vendi pritës i finaleve të Kampionatit Botëror për femra në vitin 2027, teksa vitin e ardhshëm do të organizohet për herë të parë në Filipine Kupa e Botës për Futsal për vajza dhe nga viti 2026 do të organizohet Kupa e Botës së Klubeve për vajza.

POSTIMI I ARMAND DUKËS:

I pranishëm në Kongresin e 74-t të FIFA-s.
Në kohën ku konfliktet në botë janë prezente, u përcoll mesazhi “Futbolli bashkon Botën”, që do të jetë tashmë edhe në krah të fanellës tonë Kombëtare.
Me këtë moto, të gjitha Federatat do përpiqen të ofrojnë sa më shumë mundësi për të luajtur futboll, për të ëndërruar, për t’i afruar të gjithë rreth futbollit, për t’u ndryshuar jetën njerëzve. Misioni është që kudo të luhet futboll dhe në Kongresin e sotëm u propozua edhe organizimi i një festivali futbolli për grupmoshën U-15.
Gjithashtu do të ketë një Kupë Botë për Futsal për vajza, me edicionin e parë që organizohet në Filipine në vitin 2025, si dhe një Kupë Botë të Klubeve për vajza nga viti 2026. Një vendim tjetër tjetër i rëndësishëm ishte përzgjedhja e Brazilit për të organizuar Kupën e Botës për vajza 2027.
Së bashku, përmes futbollit, mund të sjellim ndryshimin!