web counter
LEXO PA REKLAMA!

SHKARKO APP

App Store
Google Play

E fundit!

x

“Largimet te kundërshtari mund të na penalizojnë”, Zekiç flet para ndeshjes me Valmierën: Meritojnë vlerësim maksimal

9 Gusht 2023, 20:41, Sport CNA

“Largimet te kundërshtari mund të na penalizojnë”,

Partizani do të përballet mbrëmjen e nesërme me Valmiern në ndeshjen e parë të turit të tretë kualifikues të Ligës së Konferencës. Trajneri i të kuqve është paraqitur sot përpara mediave, ku ka dhënë mendimet e tij për përballjen e nesërme. Zekiç është shprehur ndeshja e parë nuk do të ketë rol përcaktues sa i përket kualifikimit, si dhe largimet e fundit në radhët e letonezëve mund t’ja vështirësojnë punën skuadrës së tij.

“Valmiera është një skuadër që meriton vlerësim maksimal. Ata janë kampionët në fuqi të Letonisë. Kanë ndryshuar disi, pasi nga skuadra aktuale ditët e fundit kanë patur edhe largime. Kjo gjë ndoshta mund të na i vështirësojë paksa gjërat, pasi ne e kemi analizuar kundërshtarin nga përballjet e fundit që ka zhvilluar. Por kam shumë besim tek skuadra. Pas gati 2 muaj bashkë tashmë kuptohemi më mirë me njëri- tjetrin, çfarë na duhet të bëjmë për të qenë kompetitiv në Europë.

Nuk mendoj se do të jetë përcaktues ndeshja e nesërme, pasi do të luajmë dy të tilla. Po ta shikoni përgjatë këtyre tureve, rezultatet kanë ndryshuar nga ndeshja e parë tek e dyta. Na duhet vetëm të përqëndrohemi te 90 minutat e nesërme e më pas do të mendojmë për sfidën e kthimit.

Sigurisht që kemi siguruar informacionet e duhura, ashtu sikurse edhe kundërshtari ka marr informacione për ne. Ne duhet të jemi shumë të disiplinuar si në çdo ndeshje, të vrapojmë shumë, të jemi kompakt për të bërë lojën tonë. Përpara ndeshjes mund të kemi shumë për të folur, por në momentin që fillon ndeshja çdo gjë është e hapur dhe mund të vendoset edhe nga disa episode”, ka deklaruar Zoran Zekiçi.





Lajmet e fundit nga