web counter
LEXO PA REKLAMA!

SHKARKO APP

App Store
Google Play

Kupa e Shqipërisë ngre siparin, nesër në fushë do të zbresin… 4 skuadra

14 Shtator 2022, 12:49, Sport CNA

Kupa e Shqipërisë ngre siparin, nesër në fushë do

Kupa e Shqipërisë për edicionin e 71-të do të ngrejë siparin nesër me turin paraeliminator, ku fillimisht do të luajnë katër skuadra që janë pjesë e Kategorisë së Dytë.

Skema e Kupës mbetet e njëjtë si e sezonit të kaluar, ku çiftet janë të paracaktuara nga FSHF-ja deri në turin çerekfinal, ndërsa më pas, në gjysmëfinale hidhet short i lirë për përcaktimin e dy dueleve.

Edhe pse ende institucioni i futbollit shqiptar nuk ka publikuar çiftet për turin e parë, "Panorma Sport" ka arritur të zbardhë të plotë skemën.

Kjo skemë është bazuar te renditja e skuadrave në kampionatin e fundit, qoftë në Kategorinë Superiore, ashtu edhe në Kategorinë e Parë.

Kësisoj, nesër në orën 15:00, në stadiumet e Koplikut dhe Bilishtit, do të zhvillohen dy ndeshje me sistem eliminimi direkt:

Veleçiku-Murlani dhe Devolli-Sopoti. Fituesit e këtyre takimeve do të përballen më pas në turin e parë me Tiranën dhe Laçin.

Vllaznia, e cila është fituese në fuqi e Kupës së Shqipërisë, në turin e parë, që nis më 28 shtator, do të luajë me sistemin vajtje-ardhje ndaj Flamurtarit. Nga ana tjetër, Partizani përballet me Orikun, ndërsa Kukësi kundër Labërisë.

Nuk përjashtohet mundësia që në turin çerekfinal të kemi edhe një derbi mes Tiranës dhe Dinamos, edhe pse kjo mbetet për t’u parë. FSHF-ja ka parashikuar që finalja e këtij edicioni të zhvillohet më 28 maj 2023.

 





Lajmet e fundit nga