web counter
LEXO PA REKLAMA!

SHKARKO APP

App Store
Google Play

E fundit!

x

Kolela harton “kurthin” për Kukësin, zgjidhet zëvendësuesi i Hadrojit

22 Shkurt 2023, 17:48, Sport CNA

Partizani ka nisur ditën e djeshme përgatitjet me orientim të plotë në sfidën e së premtes ndaj Kukësit, një përballje shumë e vështirë për faktin se luhet në transfertë ndaj një ekipi, që ka kaluar kohë të mira në ndeshjet e fundit.

Trajneri Kolela në këtë ndeshje do të duhet të bëjë pa Hadrojn, teksa në vend të tij, me shumë mundësi, do të luajë i riu Henri Zuna, i cili bëri shumë mirë ndaj Erzenit dhe tregoi se ka forcë të ndihmojë Partizanin edhe në beteja delikate.

Eljon Sota është gjithashtu mungesë e sigurt, pasi ashtu si Hadroj, ka plotësuar numrin e katër kartonëve të verdhë.

Mbrojtësi fierak ka pësuar një dëmtim muskulor dhe gjithsesi nuk do të ishte i gatshëm për Kukësin, teksa do të bëjë maksimumin të arrijë të luajë në sfidën me Vllazninë në Kupë.

Nga ana tjetër edhe Sabit Bilali, mesfushori i ardhur në janar, pësoi një dëmtim para shijakasve dhe gjithashtu rrezikon sfidën me Kukësin.

Paulo Buxhelaj ka pësuar një dëmtim dhe është në garë me kohën për të luajtur ndaj Kukësit.

Sakaq, Alban Hoxha dhe Valentino Murataj kanë kaluar shqetësimet fizike, çka do të thotë se ndaj Kukësit pritet të jetë kapiteni në portë.

Kolela ka lënë të kuptojë se do të jetë Hoxha portieri i parë në të ardhmen, por nuk përjashtohet edhe një surprizë e tij me verilindorët.





Lajmet e fundit nga