web counter
LEXO PA REKLAMA!

SHKARKO APP

App Store
Google Play

Jo vetëm Tonali/ Milani synon të shesë të tjerë lojtarë

17 Korrik 2023, 14:49, Sport CNA

Milani ka nevojë edhe të shesë përveçse të blejë. Aspekti i largimeve do të përcaktohet nga shumë faktorë, para së gjithash shitja e mundshme e Sharl de Ketelares, për të cilin Furlani aktualisht kërkon një shifër afër 30 milionëve (28 është shuma minimale për të mos shënuar humbje).

Ideja mbetet ajo e shitjes me një përqindje e rëndësishme, rreth 30 për qind, në një rishitje të mundshme të belgut në të ardhmen. Ndërkohë vazhdojnë negociatat për largimet e BaloTuresë, Mesiasit që e do Torino, ndërkohë që Gabia dhe Kolombo kanë mbi vete interesin e fortë të Xhenoa.

Në listën e të larguarve të mundshëm janë edhe Salemakers, Adli dhe apo edhe emra si Rebiç e Origi. Më problematiku mbetet ky i fundit sepse me sa duket ka vendosur të përpiqet të rifillojë me fanellën e Milanit pas një sezoni padyshim zhgënjyes.

Belgu ka një rrogë të rëndë (rreth 4.5 milionë euro) dhe pak klube janë të gatshëm t’ia mbajnë në ato nivele e për më tepër të shpenzojnë për kartonin e tij. Pavarësisht se erdhi te kuqezinjtë si lojtar i lirë, klubi nuk dëshiron ta humbë pa fituar asgjë.





Lajmet e fundit nga