web counter
LEXO PA REKLAMA!

SHKARKO APP

App Store
Google Play

E fundit!

x

Kampion i Wimbledon në moshën 20-vjeçare, Alcaraz "thyen" Djokovic në finalen dramatike

16 Korrik 2023, 20:10, Sport CNA

Kampion i Wimbledon në moshën 20-vjeçare, Alcaraz

Carlos Alcaraz është kampioni i ri i Wimbledon. Talenti spanjoll, mposhti Novak Djokovic 3-2 në një finale dramatike dhe plot emocione në turneun më prestigjioz në sportin e tenisit.

Serbi fitoi 6-1 setin e parë, por Alcaraz u rikthye dhe kaloi në avantazh 2-1 falë sukseseve 7-6 dhe 6-1.

36-vjeçari reagoi dhe fitoi setin e katërt 6-3. Seti final u përjetua me betejë të zjarrtë. Në fund triumfoi freskia fizike dhe talenti i spanjollit, i cili fitoi 6-4 dhe siguroi për herë të parë në karrierë suksesin në Wimbledon.

Alcaraz bëhet tenisti i tretë spanjoll që fiton këtë turne pas Manolo Santana (1965) e Rafael Nadal (2008 e 2010).

Ndërkohë që në moshën 20 vjeç e 72 ditë, ai shndërrohet në kampionin e tretë më të ri të Wimbledon.

Pas gjermanit Boris Becker në vitin 1985 (17 vjeç e 8 muaj) dhe suedezit Bjorn Borg në vitin 1976 (20 vjeç e 27 ditë).

Alcaraz kthehet në tenistin e parë që siguron 2 turne Slam në moshë kaq të re, ndërkohë që Djokovic mbetet në kuotën e 7 fitoreve në Ëimbledon, duke mos e barazuar dot legjendën Roger Federer.





Lajmet e fundit nga