web counter
LEXO PA REKLAMA!

SHKARKO APP

App Store
Google Play

Sfida e kthimit në Champions, zbulohet axhenda e Partizanit

16 Korrik 2023, 18:58, Sport CNA

Sfida e kthimit në Champions, zbulohet axhenda e Partizanit

Kampionia e Shqipërisë, Partizani, shkon në ndeshjen e kthimit me BATE Borisovin me moral të lartë, por edhe me epërsi në disa aspekte. Ndeshja e parë e turit të parë eliminator të Ligës së Kampioneve përballë bjellorusëve, që u luajt të martën në Tiranë, u mbyll në barazim 1-1, me të dy golat e shënuar në pjesën e dytë, teksa miqtë realizuan të parët në minutën e 58-të, por të kuqtë arritën të barazojnë shifrat 6 minuta më pas me anë të Carës.

Përtej barazimit në fushën e vet, të kuqtë e drejtuar nga trajneri kroat, Zoran Zekiç, e mbizotëruan lojën dhe shkojnë në përballjen e së martës duke synuar kalimin e turit. Partizani mund të marrë zemër nga fakti se kjo sfidë e kthimit do të luhet në fushën asnjëanjëse, në Hungari, teksa skuadrat e Bjellorusisë janë sanksionuar nga UEFA që t’i luajnë jashtë vendit ndeshjet e shtëpisë.

Për më tepër, ndeshja në stadiumin e Mezokovedsit do të luhet pa praninë e tifozëve, një tjetër aspekt që mund të cilësohet në favor të kampiones shqiptare. Partizani do të niset të hënën në mëngjes, në ora 08:00 me avion “çarter” drejt kryeqytetit hungarez, Budapestit, aty ku pritet të mbërrijë rreth orës 10:00, për të vijuar më pas udhëtimin drejt prej rreth 150 km drejt Mezokovedsit.

Të kuqtë do ta zhvillojnë të hënën në ora 19:30 seancën stërvitore në Stadiumin e ndeshjes, ndërsa 15 minuta më herët do të dalë në konferencën për shtyp trajneri Zekiç. Takimi BATE Borisov-Partizani luhet të martën, duke nisur nga ora 20:00. 





Lajmet e fundit nga