web counter
LEXO PA REKLAMA!

SHKARKO APP

App Store
Google Play

Inzaghi: Të gjithë duan tituj si Inter-i, ne mund të triumfojmë këtë sezon

21 Tetor 2024, 12:51, Sport CNA
Inzaghi: Të gjithë duan tituj si Inter-i, ne mund të
Simone Inzaghi

Inter fitoi mes vështirësive ndaj Roma-s në “Olimpico” me ndeshjen e javës së tetë të Serie A që u mbyll me rezultatin 0-1.

Duke folur për mediet pas këtij takimi, trajneri i “zikaltërve”, Simone Inzaghi u pyet për qëllimin kryesor te sezonit, me teknikun që theksoi se kanë mundësi që të fitojnë titullin.

"A mund të garojmë për Scudetto-n? Koha do ta tregojë. Ajo që mund të them është se shoh ekipin tim duke punuar dhe djemtë po punojnë shumë seriozisht. Ata kanë fituar shumë dhe dëshirojmë të fitojmë sërish. Ekipet janë forcuar dhe të gjithë duan të fitojnë tituj si Inter-i”-tha fillimisht ai.

Ndërsa, i pyetur për performancën e skuadrës së tij ndaj Roma-s, trajneri i Inter-it u shpreh se është i kënaqur me punën e djemve të tij.

"Sonte jam shumë i kënaqur, djemtë duhet të vazhdojnë të punojnë kështu dhe të jenë të kthjellët. Kemi përdorur shumë inteligjencë dhe jam shumë i kënaqur"-deklaroi ndër të tjera Simone Inzaghi.

Pas fitores ndaj Roma-s, Inter-i renditet në vendin e dytë të Serie A, me 17 pikë, dy më pak se Napoli kryesues./CNA





Lajmet e fundit nga