web counter
LEXO PA REKLAMA!

SHKARKO APP

App Store
Google Play

Fiorentina luan “tenis” me Lecce-n, Atalanta bind në transfertën e Venezia-s

20 Tetor 2024, 16:56, Sport CNA
Fiorentina luan “tenis” me Lecce-n, Atalanta bind në
Fiorentina, Burimi:Flashscore

Fiorentina merr një fitore të madhe në transfertë ndaj Lecce-s, në takimin e javës së tetë të Serie A.

Sfida e luajtur në stadiumin “Via del Mare” përfundoi me rezultatin 0-6, me vendasit që luajtën që nga minuta e 43’ me dhjetë lojtrarë, pasi Gallo u ndëshkua me karton të kuq.

Golat për Fiorentina-n në këtë përballje i realizuan Cataldi në minutat  20’ dhe 45’, Colpani po ashtu realizoi dygolësh në minutat 34’ dhe 54’, teksa dy golat e tjerë u shënuan nga Beltran në minutën e 61’ dhe Parisi në minutën e 72’.

Pas këtij takimi, Lecce renditet në vend të 18-të me pesë pikë, teksa Fiorentina në vend të pestë me 13 pikë.

Ndërkohë, në sfidën tjetër Atalanta bindi me fitoren 0-2 në transfertën e Venezia-s.

Golat për miqtë i shënuan Pasalic në minutën e 7’ dhe Retegui në minutën e 47’.

Pas javës së tetë, Venezia renditet në vend të fundit me katër pikë, teksa Atalanta në vend të gjashtë me 13 pikë.

Sa i përket kapitenit të kombëtares shqiptare, Berat Gjimshiti e nisi këtë takim nga minuta e parë dhe bëri një paraqitje goxha të mirë./CNA

 





Lajmet e fundit nga