web counter
LEXO PA REKLAMA!

SHKARKO APP

App Store
Google Play

Tërmeti gjunjëzon Turqinë, thirrja mes lotësh e ish-portierit të shquar: Të gjithë janë të mjerë këtu (VIDEO)

6 Shkurt 2023, 11:21, Sport CNA

Tërmeti gjunjëzon Turqinë, thirrja mes lotësh e

Një tërmet me magnitudë 7.4 ka rënë në rrethin Pazarcik të Kahramanmara?, në orën 04.17 të mëngjesit. Pas tërmetit shkatërrues, trajneri Volkan Demirel, i cili ndodhej në Hatay, shpërtheu në lot dhe kërkoi ndihmë në transmetimin e tij të drejtpërdrejtë nga llogaria personale në rrjetet sociale.

Shumë provinca në rajonet lindore, juglindore të Anadollit Qendror dhe të Mesdheut u tronditën nga një tërmet i frikshëm, me qendër Kahramanmara?. Sipas informacioneve të marra nga AFAD, tërmeti kishte një thellësi prej 7 kilometrash është ndjerë në pjesën më të madhe të vendit.

Ndërsa lajmet për humbje jete erdhën nga shumë qytete, ish-portieri i shquar i Febnerbahçe dhe kombëtares turke, aktuaklisht drejtor teknik i Ataka? Hatayspor, Volkan Demirel, bëri thirrje për ndihmë nga llogaria e tij në rrjetet sociale.

Ai përshkroi me lot situatën në Hatay, bëri këto deklarata: “Këtu janë të gjithë të mjerë. Hatay është i shkatërruar! Të gjithë po vdesin në Hatay. Ndihma e ambulances, këtu ju lutem. Gjërat janë shumë keq këtu. Ndihmë, nuk arrijmë dot njerëzit. Kushdo që do të vijë, të vijë tani. Nuk arrijmë dot askënd.

Nuk mund të bëjmë shumë vetë. Unë dua që ju t’i dërgoni të gjitha, nëse është e mundur. Situata është e njëjtë jo vetëm në Hatay, por edhe në provincat përreth. Për hir të Zotit, na ndihmoni!"

Duke pasur vështirësi në të folur, Volkan Demirel e përfundoi transmetimin e tij të shkurtër duke qarë. Zeynep Sever Demirel, gruaja e drejtorit Teknik të Hataysporit, Volkan Demirel, bëri dy postime pas tërmetit. Ajo ka deklaruar se janë mirë, por nuk kanë mundur të kontaktojnë me të afërmit e tyre.





Lajmet e fundit nga