web counter
LEXO PA REKLAMA!

SHKARKO APP

App Store
Google Play

Vedat Muriqi “ngacmon” yjet e Realit pas fitores në La Liga

6 Shkurt 2023, 10:59, Sport CNA

Skuadra e Mallorcas arriti fitore të madhe në La Liga, pasi mposhti minimalisht 1-0 ekipin nga kryeqyteti i Spanjës, Real Madridin.

Sulmuesi i Kombëtares së Kosovës, Vedat Muriqi ishte njeriu kyç i kësaj fitoreje, madje u shpall edhe ‘lojtari i ndeshjes’ në fund, shkruan LIG Sport.

Përmes rrjeteve sociale, kosovari ka bërë një reagim dhe i ka çuar një mesazh të drejtpërdrejt skuadrës së Carlo Ancelottit.

“Kjo është shtëpia jonë! Këtu zbatohen rregullat tona…”, është komenti i lojtarit te Kosoves Vedat Muriqit në rrjetin social ‘Twitter’.

Futbolli bashkon dhe shpeshherë origjina harrohet kur bëhet fjalë për këtë sport kaq popullor. Kjo u dëshmua edhe në ditën e sotme, atje ku Mallorca fitoi ndaj Real Madridit me shifrat 1-0 falë golit të Vedat Muriqit.

Megjithatë sulmuesi shqiptar e ka zhvlerësuar veten dhe ia ka dhënë të gjithë meritën portierit serb të Mallorca, Rajkovic, që priti penalltinë e Asensio në minutën e 60.

“Ka qenë çmenduri, Rajkoviç është një protagonist i madh në goditjen e penalltisë, me pritjen e tij. Na ka dhënë 3 pikë në shtëpi.

Ne jemi një ekip, të gjithë mendojmë në të njëjtin drejtim dhe në fitoren e çdo ndeshjeje edhe nëse luajmë kundër Real Madrid apo Barcelonës. Shpresojmë të vazhdojmë kështu. Kemi 28 pikë për të qenë pak të qetë dhe duam të arrijmë shpejt 40”, tha Muriqi.





Lajmet e fundit nga