web counter
LEXO PA REKLAMA!

SHKARKO APP

App Store
Google Play

Haaland firmos kontratë faronike për 9.5 vite, bëhet më i paguari

17 Janar 2025, 17:37, Sport CNA

Haaland firmos kontratë faronike për 9.5 vite, bëhet më i

Erling Haaland vazhdon të shkruajë historinë e tij, jo vetëm në fushën e blertë, por edhe në aspektin financiar dhe atë profesional. Sulmuesi norvegjez, ka rinovuar kontratën me Manchester Cityn, në atë që është një marrëveshje jo e zakonshme.

Haaland ka firmosur për 9.5 vite dhe do të mbetet pjesë e “qytetarëve” deri në vitin 2034, duke shënuar kështu një epokë të re për karrierën e tij, por edhe për klubin. Ky është një angazhim rekord, që e bën atë futbollistin më jetëgjatë në historinë e klubit.

Detajet financiare të kësaj marrëveshjeje janë mbajtur të fshehta, por raportime të ndryshme thonë se norvegjezi mund të përfitojë një shifër totale që i afrohet 1 miliard eurove. Kjo shumë përfshin pagën bazë të tij, ndërkohë që bonuse të ndryshme për performancën personale dhe sukseset e klubit nuk janë përfshirë ende në këtë shifër.

Aktualisht, paga e tij e përjavshme prej 375 mijë paundësh e rendit si lojtarin e dytë më të paguar te City, pas mesfushorit belg Kevin De Bruyne, i cili kryeson me 400 mijë paund në javë.

Megjithatë me kontratën e re, Haaland do të përfitojë rreth 600 mijë paundë në javë, duke u bërë më i paguari në klub, por edhe në Premier League.

Eliminimi i të gjitha klauzolave të largimit është një tjetër aspekt i rëndësishëm i kësaj marrëveshjeje. Kjo nënkupton se Siti ka siguruar të ardhmen e sulmuesit kryesor, duke hequr çdo mundësi që klube të tjera të përfitojnë nga ndonjë hapësirë ligjore për transferimin e tij.

Ky lloj angazhimi dhe besimi reciprok është një sinjal i qartë për rëndësinë që Haaland ka për klubin dhe për futbollin modern në tërësi.





Lajmet e fundit nga