web counter
LEXO PA REKLAMA!

SHKARKO APP

App Store
Google Play

Tirana-Egnatia, Tetova: Luajmë për maksimumin e pikëve, nga merkato pres një sulmues

17 Janar 2025, 16:31, Sport CNA

Tirana-Egnatia, Tetova: Luajmë për maksimumin e pikëve, nga

Pas kualifikimit në Kupë, Egnatia synon fitoren e tretë radhazi për këtë vit. Rrogozhinasit përballen me Tiranën në kryeqytet, në sfidën e vlefshme për javën e 21-të në Superiore.

Në prag të kësaj përballje, në konferencë foli trajneri i kampionëve, Edlir Tetova. Tekniku i Egnatias, theksoi se skuadra e tij gëzon gjendje të mirë, ndërsa shtoi se në fushë synohet maksimumi i pikëve.

“Gjendja e skuadrës është shumë e mirë. Luajmë ndaj Tiranës, një ndeshje që ka vlerat e veta. Ne do të kërkojmë maksimumin nga kjo ndeshje.

Nuk e shikoj si sfidë personale me Maganin. Mendoj se është një ndeshje radhe dhe duhet vlerësuar. Duam maksimumin."

Tetova foli edhe për merkaton, duke thënë se afrimet e bëra deri tani tek Egnatia janë cilësore. Trajneri pret një ecuri më të mirë të ekipit për pjesën e dytë të sezonit.

"Jam i kënaqur me merkaton. Prurjet janë cilësore. Lojtarët që kanë ardhur, përveç Fernandos që ka qenë këtu, janë efektive për ekipin.

Të gjitha skuadrat nga vendi i gjashtë e sipër, janë në lojë për “Final Four”. Kaluam një periudhë tranzicioni lojtarësh dhe çdo gjë do kohën e vet. Mendoj se ajo kohë ka kaluar dhe shpresoj në një ecuri pozitive për pjesën e mbetur të sezonit.

Presion nuk mendoj se kemi. Mendoj vetëm për vazhdimësinë dhe për të parë sa më lart në renditje.

Organika dhe grupi është, të gjithë jemi të fokusuar te puna. Oshilacione më shumë kemi pasur një sulm dhe do të doja ndonjë lojtar në këtë repart.", u shpreh Tetova.

Ndeshja Tirana-Egnatia do të luhet të shtunën, duke nisur nga ora 16:30, në stadiumin “Arena Kombëtare” në kryeqytet.





Lajmet e fundit nga